Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

Алматыда жылына 4 мың адам қатерлі ісікке шалдығады

22 October 2021 15:34

АЛМАТЫ. ҚазАқпарат- Мегаполисте жылына 4 мың адам қатерлі ісікке шалдығады. Бұл туралы Алматы қаласы онкология орталығының директоры Нұрсұлтан Ізбағамбетов Өңірлік коммуникациялар қызметі алаңында өткен онлайн брифингте айтты, деп хабарлайды ҚазАқпарат тілшісі.

Дәрігер биыл қатерлі ісікті ерте кезеңінде анықтау көрсеткіші артқанын айтты.

«Биыл жылдың 9 айында орталықта 13 256 науқас емделді. Былтырғы көрсеткішпен салыстырғанда науқастар саны 15 пайызға көбейді. Бір қуантарлығы қатерлі істіктен болатын өлім-жітім 10 пайызға қысқарды. Бұл біріншіден, ем алып жатқан науқастар санының көбеюіне байланысты. Екінші жағынан ісікті ерте кезеңінде анықтап, емді ертерек бастауынан», - деді ол.
Сонымен қатар, ол қатерлі ісікке шалыдыққандар арасында өмір сүру ұзарғанын айтты. «Мәселен, ауырған сәтінен бері 5 жыл уақыттан бері ем алып келе жатқан науқастар саны 54%-дан асты. Статистика бойынша Алматыда жылына 4 мың адам қатерлі ісікпен ауырады. Бірақ емін алып, жұмысын жалғастырып жатқандардың саны қазір 27 мыңға жетті», - дейді орталық директоры.
Нұрсұлтан Ізбағамбетов мына белгілер пайда болса, дереу онкологқа жүгіну керектігін ескертті. Олар: анемия, көкжөтел және қан араласқан қақырық, сүт бездерінің, лимфа түйіндерінің ұлғаюы, шаршау әрі салмақ жоғалту, денедегі қалдың өзгеруі және басқалары,

Up