Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

Ақпарат министрі Асқар Умаров Қазақстандағы «Internews Network» өкілдерімен кездесті

28 January 2022 19:18

НҰР-СҰЛТАН. ҚазАқпарат - Бүгін ҚР Ақпарат және қоғамдық даму министрі Асқар Умаров Қазақстандағы «Internews Network» өкілдігімен онлайн кездесу өткізді, деп хабарлайды аталған ведомствоның баспасөз қызметі.

Кездесуге өкілдік директоры Марат Бигалиев, медиасауаттылық жөніндегі өңірлік кеңесші Гүлнар Асанбаева, медиақұқық жөніндегі өңірлік кеңесші Ольга Диденко, сондай-ақ Министрліктің ақпарат саласы мәселелеріне жауапты қызметкерлері қатысты.
Кездесу барысында медиа саласының мамандарын оқыту, ақпаратқа қол жеткізу, медиасауаттылық және медиаэтика саласындағы жобаларды іске асыру мәселелері талқыланды.

Тараптар өзара ынтымақтастықты одан әрі дамытуға ниет білдірісті.


Up