Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

گازا سەكتورىنداعى قاقتىعىس: يزرايل رەزەرۆتەگى 9 مىڭ ادامدى اسكەرگە شاقىرادى

14 May 2021 10:21

نۇر- سۇلتان. قازاقپارات - گازا سەكتورىنداعى قاقتىعىستىڭ شيەلەنىسۋىنە بايلانىستى يزرايل 9 مىڭ رەزەرۆشىنى اسكەرگە شاقىرادى جانە جەردەگى وپەراتسياعا دايىن ەكەنىن مالىمدەيدى.

پالەستينالىقتاردىڭ زىمىران شابۋىلىنان قازا تاپقاندار سانى 100 دەن استى. گازادا 600 دەن استام نىسان قيراعان، دەپ حابارلايدى قازاقپارات ەuronews اگەنتتىگىنە سىلتەمە جاساپ.

دۇيسەنبىدەن باستاپ يزرايلدە ءبىر جارىم مىڭنان استام زىمىران اتىلدى. ونىڭ %90 ىنا توسقاۋىل جاسالدى، دەپ حابارلايدى جەرگىلىكتى بيلىك.

«تەمىر كۇمبەز» جۇيەسىن قورعاۋدىڭ ارقاسىندا ءبىز شابۋىل جاساي الامىز. يزرايل قورعانىس اسكەرى قازىردىڭ وزىندە جۇزدەگەن نىساناعا ءدال سوققى بەردى، جاقىندا ولاردىڭ سانى مىڭنان اسادى. ءبىز ءوز ازاماتتارىمىزدى قورعاۋ ءۇشىن حاماس- قا سوققى بەرەمىز»، - دەيدى يزرايل پرەمەر- ءمينيسترى بينيامين نەتانياحۋ.

قوزعالىس وكىلدەرىنىڭ ءوزى دە كۇرەستى جالعاستىرۋعا بەل بۋىپ، ءبىر ۋاقىتتا جاۋعا قاراي جۇزگە جۋىق زىمىران جىبەرە الدىق دەپ مالىمدەدى.

«تەل- اۆيۆكە، يەرۋساليمگە، ديمونعا، اشكەلونعا، اشدودقا، بەەر- شيەۆاعا جانە باسقا دا قالالارعا سوققى بەرۋ ءبىز ءۇشىن سۋ ىشۋدەن دە وڭاي بولدى. ءارى قاراي دا وسىلاي بولادى»، - دەيدى حاماس قوزعالىسىنىڭ جاۋىنگەرلىك قاناتىنىڭ وكىلى ابۋ ۋبايدا.

ب ۇ ۇ تاراپتاردى قاقتىعىستى ۋشىقتىرماۋعا شاقىرادى. باس حاتشى انتونيۋ گۋتەرريش ەلدى مەكەندەردى تاڭداماي اتۋعا جول بەرىلمەيتىنىن مالىمدەدى.

Keywords: الةم,
Up