Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتى وبلىسىندا كولىك اپاتىنان 7 ادام مەرت بولدى

20 June 2021 09:42

تالدىقورعان. قازاقپارات - الماتى وبلىسىندا كولىك اپاتىنان 7 ادام مەرت بولدى. جانتۇرشىگەرلىك جاعداي «الماتى- كوكپەك- كوكتال» تاسجولىندا بولعان، - دەپ حابارلايدى قازاقپارات ءتىلشىسى.

«19-ماۋسىم كۇنى ساعات 18:45 شاماسىندا «الماتى- كوكپەك- كوكتال» تاسجولىنىڭ 134-شاقىرىمىندا جول كولىك اپاتى بولدى. بايسەيىت اۋىلىنىڭ ماڭىندا «Toyota Rav-4» جانە «Audi C4» كولىكتەرى سوقتىعىسقان. سالدارىنان ەكى كولىكتىڭ دە جۇرگىزۋشىسى جانە ءۇش جولاۋشىسى وقيعا ورنىندا جان تاپسىردى. تاعى ەكى ادام شەلەك اۋىلىنداعى اۋرۋحانادا كوز جۇمدى. قازا بولعاندار اراسىندا 16، 13، 8 جاستاعى بالالار مەن 4-ايلىق ءسابي بار. تاعى ءۇش جولاۋشى ءتۇرلى دەنە جاراقاتىمەن اۋرۋحاناعا ءتۇستى. قازىر اتالعان فاكتى بويىنشا ق ر ق ك 345-بابىنىڭ 4-بولىگى بويىنشا سوتقا دەيىنگى تەرگەۋ باستالدى. كولىك اپاتىنا نە سەبەپ بولعانى تەرگەۋ بارىسىندا انىقتالادى»، دەلىنگەن الماتى وبلىستىق پوليسيا دەپارتامەنتىنىڭ باسپا ءسوز قىزمەتى رەسمي بەرگەن حابارلاماسىندا.

Keywords: ايماق,
Up