Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

مەملەكەت جالعا الىنعان باسپانا قۇنىنىڭ %50 وتەپ بەرەدى - مينيسترلىك شارتتارىن ازىرلەدى

27 January 2022 11:14

نۇر- سۇلتان. قازاقپارات - قازاقستاندىقتار جالعا الاتىن باسپانا قۇنىنىڭ تەڭ جارتىسى مەملەكەتتەن وتەلەتىن بولادى.

بۇل تۋرلى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات.

مينيسترلىك تۇرعىن ءۇيدى جالعا العانى ءۇشىن تولەم بەرۋ تەتىگىن ازىرلەدى. اتاۋلى تۇرعىن ءۇي كومەگى جالعا الۋ قۇنىنىڭ «%50 مەملەكەت، قالعان %50 جالعا الۋشى تولەيدى» قاعيداتىنا نەگىزدەلەدى. مۇنداي تولەمدەر جەرگىلىكتى اتقارۋشى ورگانداردا كەزەكتە تۇرعان ازاماتتارعا بەرىلەدى جانە ولاردىڭ تابىسى ەڭ تومەنگى كۇنكورىس دەڭگەيىنىڭ 1 ەسەلەنگەن كولەمىنەن اسپاۋى كەرەك.

«بۇگىنگى تاڭدا ەلىمىزدە مۇنداي 70 مىڭ جان بار. ولار: كوپبالالى وتباسىلار، 1 جانە 2-توپتاعى مۇگەدەكتەر، مۇگەدەك بالالار جانە اتا- اناسىنىڭ قامقورلىعىنسىز قالعان بالالار. وسى ساناتتاعى ازاماتتارعا جالعا بەرىلەتىن تۇرعىن ءۇي قۇنىنىڭ جارتىسىن تاعايىنداۋ كوزدەلەدى. وپەراتور رەتىندە «وتباسى بانكىن» انىقتاۋ ۇسىنىلدى.

ءوتىنىش بەرۋشىلەر ءۇشىن مىنانداي نەگىزگى تالاپتار قويىلادى:

1) قازاقستان رەسپۋبليكاسىنىڭ ازاماتى بولۋى؛

2) وتباسىنىڭ (ازاماتتىڭ) ءاربىر مۇشەسىنە شاققانداعى سوڭعى 6 (التى) ايداعى جيىنتىق تابىسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەكىتىلگەن ەڭ تومەن كۇنكورىس دەڭگەيىنىڭ 1 ەسەلەنگەن شاماسىنان اسپاۋى؛

3) «تۇرعىن ءۇي قاتىناستارى تۋرالى» زاڭعا سايكەس باسپاناعا مۇقتاج رەتىندە ەسەپكە قويىلىپ، تۇرعىن ۇيگە مۇقتاج مارتەبەسىن الۋى؛

4) تۇرعىن ءۇيدىڭ مەنشىك يەسى مەن جالعا الۋشى اراسىندا جاسالعان، سونداي- اق قۇقىقتىق كاداستردا تىركەلگەن شارتتىڭ بولۋى.

Up