Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

گەننادي گولوۆكين «كانەلومەن» 3-جەكپە- جەگىن رەسمي جاريالادى

24 May 2022 22:54

نۇر- سۇلتان. قازاقپارات - ورتا سالماق ساناتىنداعى الەم چەمپيونى، قازاقستاندىق گەننادي گولوۆكين ەكىنشى ورتا سالماقتاعى الەمنىڭ ابسوليۋتتىك چەمپيونى ساۋل الۆارەسكە قارسى جەكپە- جەگىن رەسمي تۇردە جاريالادى، دەپ حابارلايدى قازاقپارات.

«رەسمي. 17-قىركۇيەكتە كەزدەسكەنشە»، - دەپ جازدى گ. گولوۆكين Instagram-پاراقشاسىندا.

ەسكە سالايىق، 2017 -جىلدىڭ قىركۇيەگىندە گولوۆكين مەن «كانەلو» كەزدەسۋى تەڭ اياقتالدى. ءبىر جىلدان كەيىن، ياعني 2018 -جىلدىڭ قىركۇيەگىندە س. الۆارەس تورەشىلەر شەشىمىمەن قازاقستان سپورتشىسىن جەڭدى. بىرەر كۇن بۇرىن مەكسيكالىق بوكسشى دا گەنناديمەن ءۇشىنشى ايقاس وتكىزەتىنىن رەسمي مالىمدەگەن ەدى.

«جاقىن كۇندەرى ءبىز جەكپە- جەك تۋرالى حابارلايتىن بولامىز. ارينە، گولوۆكينگە قارسى جەكپە- جەك كەلىسىلگەندەي، قىركۇيەك ايىندا وتەدى. سونىمەن قاتار ءسال كەيىن بيۆولمەن دە ريەۆانش وتكىزەمىن»، - دەگەن بولاتىن «كانەلو» باسپا ءسوز ءماسليحاتىندا.

ايتا كەتەيىك، مامىر ايىنىڭ باسىندا ساۋل الۆارەس رەسەيلىك دميتري بيۆولدان جەڭىلىپ قالدى. ال گەننادي بۇعان دەيىنگى ايقاسىن بيىلعى ساۋىردە جاپونيالىق ريوتا مۋراتاعا قارسى وتكىزىپ، 9-راۋندتا قارسىلاسىن نوكاۋتقا جىبەردى.

قازاقستاندىق بوكسشى بيىل 40 جاسقا تولدى. ونى تۋعان كۇنىمەن ەل پرەزيدەنتى قاسىم- جومارت توقايەۆ قۇتتىقتاعان بولاتىن.


Keywords: سپورت,
Up