Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

الەمنىڭ 33 ەلىندە بالالارعا جەدەل جۇعاتىن بەلگىسىز گەپاتيت انىقتالدى

29 May 2022 10:50

نۇر-سۇلتان. قازاقپارات - بۇل بەلگىسىز گەپاتيتتەن 650 گە جۋىق بالا زارداپ شەگىپ ۇلگەرگەن.

ينفەكتسيانىڭ ەڭ كوبى ۇلى بريتانيا مەن ا ق ش- تا تىركەلدى، دەپ حابارلايدى قازاقپارات ءتىلشىسى dw.com سايتىنا سىلتەمە جاساپ.

ءساۋىر ايىنىڭ باسىنان تاراي باستاعان بەلگىسىز گەپاتيت 33 ەلدەگى 650 بالادان انىقتالدى. ەڭ كوپ جۇقتىرعان جەتكىنشەكتەر ۇلىبريتانيادا تۇرادى (222) جانە ا ق ش- تا (216). دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا، تىنىق مۇحيتىنىڭ باتىس بولىگى، وڭتۇستىك-شىعىس ازيا جانە شىعىس جەرورتا تەڭىزى ەلدەرى دە جاڭا گەپاتيتتەن زارداپ شەككەن. ينفەكسيا ارگەنتينا، اۆستريا، بەلگيا، بولگاريا، كانادا، كيپر، دانيا، فرانسيا، گرەتسيا، يندونەزيا، يرلانديا، يزرايل، يتاليا، جاپونيا، مالديۆ، مەكسيكا، مولدوۆا، نيدەرلاندى، نورۆەگيا، پالەستينا اۆتونومياسى، پاناما، پولشا، پورتۋگاليا، وڭتۇستىك كورەيا، رۋمىنيا، سەربيا، سينگاپۋر، سلوۆاكيا، سلوۆەنيا، يسپانيا جانە شۆەتسيا ەلدەرىندە بايقالعان.

گەرمانيا مەن رەسەيدە جاڭا گەپاتيت جاعدايلارى ءالى انىقتالعان جوق. ەو ەلدەرىندە 75 تەن استام ينفەكسيا بەس جاسقا دەيىنگى بالالاردا كەزدەسكەن. ددۇ حابارلاماسىندا بۇل بالالاردىڭ باۋىرىنىڭ دامۋ باياۋلىعىنان ەكەنى ايتىلعان.

جاعدايلاردىڭ 6 پايىزىندا بالالارعا باۋىر ترانسپلانتاتسياسى قاجەت بولدى، 9 ءبۇلدىرشىن كوز جۇمدى. سونىمەن قاتار، ماماندار ينفەكتسيانىڭ كوزى مەن قوزدىرعىشتىڭ جۇعۋ ادىستەرىن ءالى ناقتى انىقتاي الماي جاتىر. الايدا، كەيبىر ناۋقاستاردان ادەنوۆيرۋس پەن كوروناۆيرۋس بەلگىلەرى بار.

«گەپاتيت وسى ۆيرۋستاردان كەيىن اسقىنۋ رەتىندە پايدا بولادى» دەگەن دەرەكتەر دە جوق ەمەس. د د ۇ بۇل گيپوتەزانى زەرتتەۋدى جالعاستىرۋدا. دارىگەرلەر بەلگىسىز گەپاتيت پەن ينفەكتسيانىڭ العاشقى جاعدايلارىن ءساۋىر ايىنىڭ باسىندا انىقتادى.

5- ساۋىرگە دەيىن ددۇ ورتالىق شوتلاندياداعى بالالاردىڭ ناۋقاستانۋىنىڭ ون دەرەگىن، 8- ساۋىرگە دەيىن بۇكىل ۇلى بريتانيادا 74 جاعداي تىركەلگەنىن ءبىلدى.

23-ساۋىردە ددۇ ءبىر ايدا 16 جاسقا دەيىنگى بالالاردا 169 ينفەكتسيا جۇقتىرۋ دەرەگىن مالىمدەدى.

وسى جاعدايلاردىڭ ەشقايسىسىنان عالىمدار A ، B ، C ، D جانە E گەپاتيتتەرىنىڭ بەلگىلى ۆيرۋستارىن تاپپادى.

Keywords: الةم,
Up