Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەلوردادا 30- قاراشا كۇنى وتەتىن ماڭىزدى شارالار اڭداتپاسى

29 November 2021 22:32

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى 30- قاراشا كۇنى ەلوردادا وتەتىن ماڭىزدى شارالار اڭداتپاسىن ۇسىنادى.

9.00 دە ۇكىمەت ۇيىندە ۇكىمەت وتىرىسى وتەدى. كۇن تارتىبىندە سانيتاريالىق-ەپيدەميولوگيالىق جاعداي جانە وڭدەۋ ونەركاسىبىن دامىتۋ تاقىرىبى قارالادى.

11.00 دە نۇر-سۇلتان قالاسىنىڭ 2№ ارنايى مەكتەبىندە اۆتونومدى دەزينفەكسيا جانە قاۋىپسىزدىكتى باقىلاۋ جۇيەسى رەسمي تۇردە ىسكە قوسىلادى.

11.00 دە قالالىق وقۋشىلار سارايىنىڭ الدىندا ءابۋ ناسىر ءال-فارابي ەسكەرتكىشى اشىلادى. ەسكەرتكىشتى قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆ اشادى.

11.00 دە قولجازبالار جانە سيرەك كىتاپتار ۇلتتىق ورتالىعىندا ق ر مادەنيەت جانە سپورت مينيسترلىگى «ازىرەت سۇلتان» مەملەكەتتىك تاريحي-مادەني قورىق-مۋزەيى» ر م ق ك «ۇلى دالانىڭ جازبا مۇرالارى» تاقىرىبىندا جىلجىمالى تاقىرىپتىق كورمەسىن ۇيىمداستىرادى.

11.00 دە ق ر تۇڭعىش پرەزيدەنتى - ەلباسى كىتاپحاناسىنىڭ كوركەم گالەرەياسىندا قازاقستاننىڭ ەڭبەك سىڭىرگەن قايراتكەرى، ق ر سۋرەتشىلەر وداعىنىڭ مۇشەسى نۇرجان قارىمساقوۆتىڭ «ۇلى دالانىڭ ۇلى» اتتى جەكە كورمەسى اشىلادى.

14.30 دا Astana Marriot Hotel قوناق ۇيىندە «بولاشاق» باعدارلاماسىنىڭ تۇلەكتەرى مەن جۇمىس بەرۋشىلەردىڭ فورۋمى وتەدى.

فورۋمدا قازاقستاننىڭ ءىرى جۇمىس بەرۋشىلەرى ءسوز سويلەپ، ءوز تاجىريبەلەرىن ايتادى.

بەلگىلى وتاندىق جانە حالىقارالىق ۇيىمداردىڭ وكىلدەرى سوڭعى ترەندتەر مەن ەڭبەك نارىعىن دامىتۋ پەرسپەكتيۆالارىن تالقىلايدى.

16.00 دە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا «مەملەكەتتىك ءتىل جانە ب ا ق» رەسپۋبليكالىق كونكۋرسىنىڭ سالتاناتتى ماراپاتتاۋ ءراسىمى وتەدى.

16.00 دە ق ر ۇلتتىق مۋزەيىندە قازاق ۇلتتىق ونەر ۋنيۆەرسيتەتىنىڭ كوركەمونەر فاكۋلتەتىنىڭ ۇيىمداستىرۋىمەن ەلوردا جۇرتشىلىعى مەن قوناقتارىنا ارنالعان «ەلىمنىڭ ەرتەڭى - ونەرىمنىڭ وركەنى» اتتى جاس سۋرەتشىلەردىڭ كورمەسى وتەدى.

Keywords: استانا,
Up