Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الەم قازاقتارىنىڭ كىشى قۇرىلتايى: اقمولالىقتار «وردالى ەلگە 30 جىل» اتتى كورمە ۇسىندى

24 September 2021 18:04

كوكشەتاۋ. قازاقپارات - تۇركيانىڭ ىستانبۇل قالاسىندا دۇنيەءجۇزى قازاقتارى قاۋىمداستىعىنىڭ ۇيىمداستىرۋىمەن «جاھاندانۋ وركەنيەتىندەگى قازاق الەمى» اتتى الەم قازاقتارىنىڭ كىشى قۇرىلتايىندا اقمولا وبلىسى «وردالى ەلگە 30 جىل» اتتى كورمەسىن ۇسىندى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

بيىلعى جىلعى قىركۇيەكتىڭ 23-24 - كۇندەرى وتكەن الەم قازاقتارىنىڭ كىشى قۇرىلتايىنا تۇركيا مەن ەۋروپا ەلدەرىنەن قازاق قاۋىمدارىنىڭ 100-دەن استام وكىلى، قازاقستاننىڭ مادەنيەت مەكەمەلەرى مەن جوعارى وقۋ ورىندارىنىڭ وكىلدەرى قاتىستى. شەتەلدەگى قازاق دياسپوراسىنىڭ وزەكتى ماسەلەلەرى بويىنشا ناتيجەلى پىكىر الماستى. كىشى قۇرىلتايدىڭ باعدارلاماسى كوپتەگەن مادەني- اعارتۋ ءىس- شارالارىن قامتىدى.





«شاراعا ق ر مادەنيەت جانە سپورت مينيسترلىگىنىڭ ۇيعارۋى بويىنشا اقمولا وبلىسىنىڭ مادەنيەت، ارحيۆتەر مەن قۇجاتتامالار باسقارماسى مۋزەيلەرىنىڭ «وردالى ەلگە 30 جىل» اتتى كورمەسى كوپشىلىك نازارىنا ۇسىنىلدى. بۇل جاۋاپتى دا ماڭىزدى مىندەت اقمولا وبلىسىنىڭ اكىمى ەرمەك مىرجىقبايەۆتىڭ قولداۋىمەن جۇزەگە استى. قازاق ەلىنىڭ ارعى- بەرگى تاريحىمەن ساباقتاستىرىلعان، ق ر تاۋەلسىزدىگىنىڭ 30 جىلدىعىنا ارنالعان بۇل كورمە الەم ەلدەرىنەن كەلگەن قانداس اعايىننىڭ كوڭىلدەرىن تولقىتىپ، كوزايىمىنا اينالدى»، - دەدى ۆەدومستۆودان.





كورمەنى تاماشالاعان تۇرىك ەلىندەگى قازاقستاننىڭ باس كونسۋلى ءالىم داۋرەن ۇلى بايەل، دۇنيەءجۇزى قازاقتارى قاۋىمداستىعى ءتوراعاسىنىڭ ورىنباسارى زاۋىتبەك تۇرىسبەكوۆ كوپشىلىك نازارىنا كورمە ۇسىنعان اقمولالىقتارعا ريزاشىلىعىن ءبىلدىردى.

اۆتور: اسلان وسپانوۆ

Up