Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كوروناۆيرۋستىڭ «وميكرون» شتامى ۇلى بريتانيادا 2 ادامنان تابىلدى

29 November 2021 08:44

نۇر- سۇلتان. قازاقپارات - كوروناۆيرۋستىڭ جاڭا شتامى وڭتۇستىك افريكادان بولەك، «وميكرون» بەلگيا، يزرايل، بوتسۆان جانە گونكونگتە تابىلدى. سەنبى كۇنى جاڭا نۇسقانىڭ انىقتالعانى تۋرالى چەحيا مەن گەرمانيا جاريالادى، دەپ حابارلايدى قازاقپارات BBC گە سىلتەمە جاساپ.

بۇدان بولەك، ۆيرۋستىڭ جاڭا مۋتاتسياسى ۇلى بريتانيادا ەكى ادامنان تابىلدى، دەدى ەلدىڭ دەنساۋلىق ساقتاۋ ءمينيسترى سادجيد دجاۆيد. ونىڭ ايتۋىنشا، ەكى جاعداي دا ءوزارا جانە افريكامەن بايلانىستى. ناۋقاستار قازىر ۇيلەرىندە وقشاۋلانىپ جاتىر. ەل پرەمەرى بوريس دجونسون «وميكرون» ءتۇرىنىڭ تەز تارالاتىنىن مالىمدەدى. يزرايل ۇكىمەتىنىڭ جاۋاپتى مينيسترلەرى سەنبى كۇنى «وميكرون» نۇسقاسىمەن كۇرەسۋ تاسىلدەرىن تالقىلادى، دەپ حابارلادى «گاارەتتس» گازەتى.

بۇگىندە يزرايلدە مالاۆيدەن كەلگەن ايەلدىڭ «وميكرون» جۇقتىرعانى انىقتالعان. تاعى جەتى ناۋقاس وسى شتامم جۇقتىرۋى مۇمكىن دەگەن قاۋىپ تۋدىرۋدا، دەدى سەنبى كۇنى دەنساۋلىق ساقتاۋ مينيسترلىگىنەن. ولاردىڭ تورتەۋى تاياۋدا شەتەلدە بولعان. ءبىرىنشى كەزەڭدە ەلگە كىرەتىن يزرايلدىكتەر ءۇشىن ءۇش كۇندىك كارانتين مەن ەكى مىندەتتى تەست ەنگىزۋ تۋرالى شەشىم قابىلداندى. ءبىرىن - ەلگە كەلگەندە، ەكىنشىسىن 72 ساعاتتان كەيىن تاپسىرادى. شەتەلدىكتەرگە ەلگە كىرۋگە ۋاقىتشا شەكتەۋ قويىلدى. چەحيانىڭ ليبەرەتس قالاسىنداعى اۋرۋحانادا «وميكرون» جۇقتىرعان ءبىر ناۋقاس تابىلدى، دەپ مالىمدەدى اۋرۋحانا وكىلى ۆاتسلاۆ ريكار.

«مەنىڭ گەنەتيكا مەن مولەكۋليارلىق دياگنوستيكا بولىمىندەگى ارىپتەستەرىم %90 ىقتيمالدىلىقپەن بۇل شتاممدى سەكۆەنسينگ ارقىلى راستاپ وتىر»، - دەدى ول.

سەنبى كۇنى چەحيا پرەمەرى اندرەي بابيش جۋرناليستەرگە ايەلدىڭ تاياۋدا ناميبيادا بولعانىن، چەحياعا وار مەن دۋباي ارقىلى ورالعانىن ايتتى.

«ناۋقاستىڭ قايدان كەلگەنىن ەسەپكە الا وتىرىپ، بۇنىڭ سول شتامم ەكەنىنە ءشۇبامىز جوق»، - دەدى ريكار.

جۇما كۇنى كەشكە رەسەي 28 قاراشادان باستاپ وڭتۇستىك افريكا، بوتسۆانا، لەسوتو، ناميبيا، زيمبابۆە، موزامبيك، ەسۆاتيني جانە تانزانيا، سونداي- اق ماداگاسكار مەن گونكونگ ازاماتتارىنىڭ كىرۋىنە شەكتەۋ قويعانى بەلگىلى بولدى. وسىعان ۇقساس شارالاردى بىرنەشە ەۋروپالىق مەملەكەتتەر مەن ۇلى بريتانيا ەنگىزدى (سەنبىدە لوندون تاعى دا «قىزىل ءتىزىمدى» كەڭەيتىپ، وعان انگولا، زامبيا، مالاۆي جانە موزامبيك كىرگىزدى).

دۇيسەنبىدەن باستاپ ا ق ش افريكانىڭ بىرنەشە ەلىنەن ۇشۋعا تىيىم سالدى. ۆيرۋستىڭ جاڭا نۇسقاسى تۋرالى مالىمدەمەسىندە پرەزيدەنت دجو بايدەن دۇنيەجۇزىلىك ساۋدا ۇيىمىن كوۆيدكە قارسى ۆاكسينالارعا پاتەنت الىپ تاستاۋعا شاقىردى.

Keywords: الةم,
Up