Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ۆاكسينادان كوز جۇمدى دەلىنگەن 2 ادامعا قاتىستى تەرگەۋ ءجۇرىپ جاتىر

17 May 2021 16:36

الماتى. قازاقپارات - الماتى قالالىق قوعامدىق دەنساۋلىق باسقارماسى باسشىسى ورىنباسارىنىڭ مىندەتىن اتقارۋشى لاۋرا مىرزاعالي ونلاين بريفينگتە «ۆاكسينادان كوز جۇمعان» دەلىنگەن ەكى ادام تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، ول ادامداردىڭ ناقتى نەدەن قايتىس بولعانى ءالى بەلگىسىز. سوندىقتان اداملاردىڭ ولىمىنە ۆاكسينا اسەر ەتتى دەپ ايتۋ ءالى ەرتە.

«قازىرگى ۋاقىتتا اتالعان دەرەك بويىنشا تەرگەپ- تەكسەرۋ جۇمىستارى جۇرگىزىلىپ جاتىر. ولار ۆاكسينادان كوز جۇمدى دەپ ايتۋعا ءالى ەرتە. قورىتىندى وسى جىلدىڭ ماۋسىم ايىندا دايىن بولۋى كەرەك. سول كەزدە سەبەبىن، ايتاتىن بولامىز»، - دەدى ول.

ەسكە سالايىق، ءساۋىر ايىندا №4 -پەرزەنتحانا قىزمەتكەرى ۆاكسيناتسيادان كەيىن قايتىس بولعانى تۋرالى جازعان بولاتىنبىز. كەيىن 42 جاستاعى الماتىلىق باقىتجان نۇرتازيننىڭ ءولىمى جايلى اقپارات تارادى. ول 21 كۇننەن كەيىن ۆاكسينانىڭ ەكىنشى كومپونەنتىن العان. الدىن الا بولجامدارعا سايكەس، ول جەدەل جۇرەك-قانتامىر جەتىسپەۋشىلىگىنەن قايتىس بولعان. قازىر ناقتى سەبەپتەرىن انىقتاۋ ءۇشىن تەرگەۋ جۇرگىزىلىپ جاتىر، سوت-مەديتسينالىق ساراپتاما باستالدى. ناقتى دياگنوز گيستولوگيالىق زەرتتەۋدەن كەيىن بەلگىلى بولادى.

Keywords: قوعام,
Up