Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

توكيو-2020: سۋ دوبىنان قازاقستان قۇراماسى يسپانيادان ويسىراي جەڭىلدى

29 July 2021 11:56

توكيو. قازاقپارات - توكيو وليمپياداسىندا سۋ دوبىنان قازاقستان قۇراماسى يسپانيادان جەڭىلىپ قالدى، دەپ حابارلايدى قازاقپارات.

قازاقستان ۆ توبىندا سىنعا تۇسەدى. قارسىلاستارى - چەرنوگوريا، يسپانيا، سەربيا، حورۆاتيا، اۆستراليا. بۇعان دەيىن قازاقستاندىق سپورتشىلار حورۆاتيا (7:23) مەن سەربياعا (5:19) ەسە جىبەرىپ قويعان ەدى. بۇگىنگى ويىندا يسپانيالىقتار باسىم وينادى. ناتيجەسىندە قازاقستاندىقتار قاقپاسى ماڭىندا ءجيى بوي كورسەتتى. كەزدەسۋ 16:4 ەسەبىمەن يسپانيانىڭ پايداسىنا اياقتالدى. ەندى قازاقستان قۇراماسى 31-شىلدەدە كەزدەسۋدى چەرنوگورياعا قارسى وتكىزەدى.

ايتا كەتەيىك، قازاقستان قۇراماسى وليمپياداعا ءتورتىنشى مارتە قاتىسىپ وتىر. 2000 -جىلى جالپى كوماندالىق ەسەپتە توعىزىنشى ورىنعا تابان تىرەپ، ازىرگە ول قۇرامانىڭ ەڭ جوعارى جەتىستىگى رەتىندە تىركەلگەن.

فوتو: سالي سابيروۆ، قازاقستان ۇ و ك

Keywords: سپورت,
Up