Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

استانانىڭ ەسكى ۆوكزالىندا 1-قاراشادان باستاپ تەگىن اۆتوتۇراق بولمايدى

21 October 2021 22:26

نۇر-سۇلتان. قازاقپارات - 1-قاراشادان باستاپ «نۇر-سۇلتان 1» تەمىرجول ۆوكزالىنىڭ اۋماعىندا اقىسىز تۇراق بولمايدى، دەپ حابارلايدى قازاقپارات.

بۇل جايىندا City Transportation Systems كولىك كومپانياسى مالىمەت تاراتتى.

ايتا كەتەيىك، ەلوردا تۇرعىندارى مەن قوناقتارىنا ىڭعايلى بولۋ ءۇشىن بالاما رەتىندە ۆوكزال الدىندا تەگىن تۇراق پەن جولاۋشىلاردى وتىرعىزۋ جانە ءتۇسىرۋ ايماقتارى بار جولاق ىسكە قوسىلادى (سىزباسى سۋرەتتە).




تۇراق قىزمەتتەرىن تولەۋدىڭ بىرنەشە جولى بار:

• Kaspi.kz بانكتىك موبيلدى قوسىمشا ارقىلى، «تولەمدەر» بولىمىندە؛

• جەكە كابينەتتە، NSPARKING (App Store جانە Google play) موبيلدى قوسىمشاسى جانە nsparking.kz ۆەب - سايت ارقىلى؛

• تەمىرجول ۆوكزالى اۋماعىندا ورنالاسقان 4 QIWI تولەم تەرمينالدارى ارقىلى؛

• تەمىرجول ۆوكزالىنىڭ جاڭا عيماراتىنا ورناتىلعان پاركومات ارقىلى (قولما-قول اقشامەن، بانك كارتاسىمەن نەمەسە NFC تولەمىمەن)؛

• تەمىرجول ۆوكزالىنىڭ ەسكى عيماراتىنىڭ 2-قاباتىندا ورنالاسقان تاۋلىك بويى جۇمىس ىستەيتىن كاسسا، 15№ كابينەت ارقىلى.

تۇراق قىزمەتتەرىنىڭ قولدانىستاعى تاريفتەرىمەن تۇراق بيلەتتەرىن بەرۋ اۆتوماتتارىنىڭ جانىنداعى اقپاراتتىق تاقتالاردا، پاركوماتتاردا، تاۋلىك بويى جۇمىس ىستەيتىن كاسسادا، سونداي-اق NSPARKING موبيلدى قوسىمشاسىندا جانە nsparking.kz سايتتا تانىسۋعا بولادى.

Keywords: قوعام,
Up