Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتىدا مەكتەپ وقۋشىسى 11-قاباتتان سەكىرىپ كەتتى

28 October 2021 14:42

الماتى. قازاقپارات - الەۋمەتتىك جەلىدە الماتىدا مەكتەپ وقۋشىسى 11-قاباتتان سەكىرىپ كەتتى دەگەن اقپارات تاراپ جاتىر، دەپ حابارلايدى قازاقپارات ءتىلشىسى.

لماتى قالاسى حيميا- بيولوگيا باعىتىنداعى نازاربايەۆ زياتكەرلىك مەكتەپ اكىمشىلىگى اقپاراتتى راستادى. «2021 -جىلعى 28 -قازاندا وقۋشى وقۋدان تىس كەزىندە جازاتايىم جاعدايعا ۇشىرادى. قازىرگى ۋاقىتتا تەرگەۋ امالدارى جۇرگىزىلۋدە. كامەلەتكە تولماعان بالانىڭ جانە باستالعان تەرگەۋدىڭ مۇددەسى ءۇشىن مەكتەپ قوسىمشا اقپاراتتى بەرە المايدى»، - دەپ حابارلادى ءبىلىم مەكەمەسى.

الماتى قالالىق پوليتسيا دەپارتامەنتى اتالعان فاكتى قازاقستان رەسپۋبليكاسى قىلمىستىق كودەكسىنىڭ 105-بابى بويىنشا بوستاندىق اۋداندىق پوليتسيا بولىمىندە سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلگەنىن ءمالىم ەتتى.

«وقيعانىڭ سەبەپتەرى مەن ءمان- جايى ءوندىرىس بارىسىندا انىقتالادى. سوت- مەديتسينالىق ساراپتاما تاعايىندالدى»، - دەپ حابارلادى پوليتسيادان.

اۆتور: الما مۇقانوۆا


Keywords: قوعام,
Up