Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

رەفەرەندۋمعا 10 نان استام حالىقارالىق ۇيىم اككرەديتتەلدى - س ءى م

25 May 2022 19:56

نۇر-سۇلتان. قازاقپارات - ماۋسىمدا وتەتىن رەفەرەندۋمعا وننان استام حالىقارالىق ۇيىم ءوز باقىلاۋشىلارىن اككرەديتتەدى.

بۇل تۋرالى ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ايتتى، دەپ حابارلايدى قازاقپارات ءتىلشىسى.

ديپلوماتيالىق كورپۋس وكىلدەرىمەن وتكەن جينالىستا سىرتقى ىستەر ءمينيسترى قازاقستانداعى رەفورمالار داعدارىستار مەن وقيعالارعا، ونىڭ ىشىندە پاندەميا، قاڭتارداعى تارتىپسىزدىكتەر، الەمدەگى گەوساياسي جاعداي مەن ونىڭ ەكونوميكاعا سالدارىنا قاراماستان ءجۇرىپ جاتقانىن اتاپ ءوتتى.

«وسى فاكتورلاردىڭ بارلىعىنا قاراماستان، ءبىزدىڭ ەلىمىز دامۋدىڭ جاڭا دەڭگەيىنە باتىل قادام باسىپ، جاڭا قازاقستانعا قاراي بەت الدى. ءبىز ۇكىمەت رەتىندە رەفەرەندۋمدى ەڭ ۇزدىك دەموكراتيالىق ستاندارتتارعا سايكەس ءادىل جانە اشىق تۇردە وتكىزۋدى قالايمىز. ءبىز، ۇكىمەت رەتىندە، حالقىمىزدىڭ رەفەرەندۋمدا اۋقىمدى رەفورمالاردى قولدايتىنىنا ۇمىتتەنەمىز. قوعامدىق پىكىرگە جاسالعان ساۋالنامالار دا ۇسىنىلعان تۇزەتۋلەرگە قولداۋ كورسەتىپ، سايلاۋشىلاردىڭ سالىستىرمالى تۇردە كوبىرەك كەلەدى دەگەن بولجام جاساۋدا. بۇل كوڭىل قۋانتادى»، - دەدى مۇحتار تىلەۋبەردى.

سونىمەن بىرگە مينيستر قازاقستاندىقتاردى ءوز قۇقىعىن پايدالانۋعا جانە الداعى رەفەرەندۋمدا بەلسەندى داۋىس بەرۋگە شاقىردى.

«ۇلت رەتىندە رەفەرەندۋم كەزىندە جانە الداعى ايلاردا رەفورمالىق باعدارلامامىزعا حالىقارالىق سەرىكتەستەردەن اۋقىمدى جانە تۇراقتى قولداۋ الامىز دەپ ۇمىتتەنەمىز. قازىرگى ۋاقىتتا وننان استام حالىقارالىق ۇيىم مەن كەيبىر مەملەكەتتەر رەفەرەندۋمدا ءوز باقىلاۋشىلارىن اككرەديتتەدى»، - دەدى م. تىلەۋبەردى.

ايتا كەتەيىك، بيىل 5- ماۋسىمدا رەسپۋبليكالىق رەفەرەندۋم وتەدى. وندا كونستيتۋتسيانىڭ 33 بابىنا 56 وزگەرىس ەنگىزۋ ماسەلەسى شىعارىلادى.

Up