今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Жапонияда нөсер жауын салдарынан 64 мың адам эвакуацияланады

29 七月 2021 18:30

ОСАКА. ҚазАқпарат – Фукуи префектурасы 15 ауданының 64 мыңнан астам тұрғыны нөсер жауын салдарынан көшкін қаупі туындап, көшуге мәжбүр болып отыр, деп хабарлайды ҚазАқпарат The Mainichi басылымына сілтеме жасап.

Елдің метеорология агенттігі қысқа уақыт ішінде нөсер жаңбырдың көп түскені туралы ескерту жасады.

Мұндай мәлімдеме таңғы сағат 6:10-ға дейін Фукуи қаласының аудандарына шамамен 100 миллиметр жауын-шашын түскеннен кейін жасалды.

Эвакуациялау туралы бұйрық беру – 5 деңгейлі ескерту жүйесінде маңызы бойынша екінші ескерту.

Фукуи префектурасында 150 миллиметрге дейін жауын-шашын, Тояма және Исикава префектураларында 100 миллиметрге дейін жауын-шашын болады деп күтілуде.


关键词: Әлем, Оқиға,
回到顶部