今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Жаңа қаулы: Павлодарда ғимараттарды корпоративтік шара үшін жалға алуға тыйым салынды

20 九月 2021 17:49

НҰР-СҰЛТАН. ҚазАқпарат – Павлодар облысы бас санитар дәрігерінің жаңа қаулысы бойынша ғимараттарды корпоративтік шара өткізу үшін жалға алуға тыйым салынды, деп хабарлайды ҚазАқпарат тілшісі.

«Жабық ғимараттар мен ашық орындарда банкет, үйлену тойы мен мерейтойлар, митингтер, шерулер, көрмелер мен конференциялар өткізуге, жеке үй жайлар мен құрылымдарды бұқаралық корпоративтік шараларды өткізу үшін жалға алуға тыйым салынсын», - делінген жаңа қаулыда.

Сондай-ақ, қаулы бойынша, караоке, кальян, букмекерлік кеңсе, бильярд, ойын және копьютерлік клубтардың, түнгі клубтар мен боулинг орталықтарының қызметіне тыйым салынды.

Қаулы қол қойылғаннан бастап күшіне енеді. Құжатты мына сілтеме бойынша көруге болады.

Бұған дейін хабарлағанымыздай, Павлодарда вакцина алмаған кәсіпорын жұмысшылары жұмыстан шеттетіледі.

«Өнеркәсіп кәсіпорындарының COVID-19-ға қарсы вакцина алмаған жұмыскерлерін күндізгі режимде жұмысқа жіберу шектелсін. Бұл ретте ұйымдарың екпе алмаған қызметкерлеріне 7 күнде бір рет ПТР-тесті тапсыруға міндеттелсін», - деп жазылған қаулы мәтінінде


回到顶部