今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

اسا اۋىر سالماقتاعى قازاقستاندىق بوكسشىنىڭ WBC تيتۋلى ءۇشىن كىممەن ايقاساتىنى بەلگىلى بولدى

20 一月 2022 11:46

نۇر- سۇلتان. قازاقپارات - سۋپەر اۋىر سالماقتاعى قازاقستاندىق بوكسشى جان كوسوبۋتسكيدىڭ (17-0, 16 ك و) شارشى الاڭعا قايتىپ ورالاتىن كۇنى بەلگىلى بولدى، دەپ حابارلايدى قازاقپارات Sports.kz كە سىلتەمە جاساپ.

ەش جەڭىلىپ كورمەگەن جاننىڭ كەلەسى جەكپە- جەگى 19-اقپاندا گامبۋرگتە (گەرمانيا) وتەدى. قارسىلاسى 40 جاستاعى تاجىريبەلى فرانسۋز جوان ديۋوپا (39-6, 26 ك و) بولماق. ايقاس ون راۋندتان تۇرادى.

20-قاراشادا گامبۋرگتە وتكەن سوڭعى جەكپە- جەگىندە جان كوسوبۋتسكي دومينيكالىق الەكسيس گارسيانى (11-1, 7 ك و) نوكاۋتپەن جەڭىپ، اۋىر سالماقتاعى WBC International Silver تيتۋلىن جەڭىپ الدى. ديۋوپا بۇعان دەيىنگى ايقاسىن 13-قاراشادا ليۋكسەمبۋرگتە وتكىزدى. ول ەكىنشى راۋندتا ۆەنگر اندراش چوموردى (18-33-2, 14 ك و) تەحنيكالىق نوكاۋتپەن جەڭدى. ايتا كەتۋ كەرەك، ديۋوپامەن جۇدىرىقتاسقاندار تىزىمىنەن كوپتەگەن تانىمال ەسىمدەردى تابا الاسىز. ءبىر كەزدەرى ول رينگتە توني يوكا، الەكساندر پوۆەتكين، دجاررەل ميللەر، روبەرت حەلەنيۋس، دەونتەي ۋايلدەر جانە مانۋەل چارر سياقتى بوكسشىلارمەن كەزدەسكەن.


关键词: سپورت,
回到顶部