今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Түркия Сирияда бесінші әскери операция бастамақ

24 五月 2022 19:36

АНКАРА. ҚазАқпарат – Түрік қарулы күштері Сирия Араб Республикасының (САР) аумағында жаңа трансшекаралық операцияны жоспарлап отыр, деп хабарлайды ҚазАқпарат меншікті тілшісі YeniŞafak-қа сілтеме жасап.

Бұған дейін Түркия әскері елдің оңтүстік-шығыс шекараларында қауіпсіз аймақтар құру үшін осындай лаңкестікке қарсы операцияларды жүргізген болатын. «Евфрат қалқаны», «Зәйтүн бұтағы» және «Көктемгі қалқан» әскери операциялары сәтті операциялар болып саналады. Олардың кейбіреулері бірнеше рет өткізілді. Қазіргі бесінші антитеррористік операция «Барыш пынары» деп аталады. Бұл түрік тілінен аударғанда «Бейбітшілік көзі» деген мағынаны білдіреді. Лаңкестікке қарсы бесінші операция Сирияның солтүстік бөлігінде өткізілмек.

Министрлер кабинетінің отырысынан кейін ұлтқа жасаған үндеуінде Р. Ердоған мұндай жағдайларда Түркия Қарулы күштерінің негізгі мақсаттары елдің оңтүстік өңірлерінің ғана емес, бүкіл республиканың қауіпсіздігін қамтамасыз етуден басқа ештеңе емес екенін айтты.
«Біз оңтүстік шекараларымыздың бойында 30 шақырымдық қауіпсіздік аймағын құру бойынша жұмыс істеп жатырмыз. «Бейбітшілік көзі» операциясы Түркияға қатысты террористік қауіпті бейтараптандырады және сириялық босқындардың туған жерлеріне жайлы оралуын жеңілдететін қауіпсіз аймақ құруға мүмкіндік береді. Біз Сирияның аумақтық тұтастығын сақтап, аймақ халқын лаңкестерден азат етеміз», - деді Түркия президенті.
Автор: Ақжігіт Чукубаев


关键词: Түркия, Сирия, Әлем,
回到顶部