今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Теннис: Александр Бублик Санкт-Петербургте жеңіліп қалды

28 十月 2021 01:03

НҰР-СҰЛТАН. ҚазАқпарат – Қазақстанның бірінші, әлемнің 34-ракеткасы Александр Бублик Санкт-Петербург ATP 250 турнирінің ширек финалына шыға алмады, деп хабарлайды ҚазАқпарат тілшісі.

Жарыстың 7-ракеткасы болып тіркелген қазақстандық теннисші екінші айналымда дүниежүзілік рейтингте 53-орында тұрған германиялық Ян-Леннард Штруфпен шеберлік байқасты.

Бірінші партияда есеп 4:4 болған мезетте германиялық спортшы брейк жасап, өз геймін де алды – 6:4.

Екінші сетте де 4:2 есебімен алға кетті. Ақыры тағы бір брейкпен матчты түйіндеді – 6:3.

Небәрі 1 сағат 14 минутқа созылған матчта А.Бубликке жинақылық жетіспеді. Ол 15 эйс жасағанымен, қателікке де жиі жол берді. Қарсыласы 7 эйспен бірге 9 брейк-пойнттың үшеуін пайдалана білді.

Германиялық теннисші жартылай финалға шығу үшін әлемнің 13-ракеткасы, канадалық Денис Шаповаловпен таласады.

Еске сала кетейік, бұдан бұрын Андрей Голубевтің жұптық сында Санкт-Петербург турнирінің ширек финалына шыққанын жазған болатынбыз.



回到顶部