今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Семейде 29 бас жылқыны айдап кеткен ұры ұсталды

24 五月 2022 00:43

СЕМЕЙ. ҚазАқпарат – Семей қаласында полиция қызметкерлері 29 бас жылқы ұрлаған 58 жастағы адамды ұстады, деп хабарлайды ҚазАқпарат тілшісі.

ШҚО Полиция департаменті баспасөз қызметінің мәліметіне сүйенсек, тәртіп сақшылары жедел-іздестіру шаралары барысында мал ұрлығымен айналысқан ер адамды қолға түсірді.

«Белгілі болғандай, ол Семейдегі шаруа қожалығының 42 жастағы иесіне тиесілі 29 бас жылқыны еркін жайылымнан ұрлап әкеткен. Осының салдарынан жәбірленушіге 8 100 000 теңге мөлшерінде материалдық залал келтірілді. Полицейлер 58 жастағы қала тұрғынын ұстап, изоляторға қамады», - деп хабарлады ведомство өкілдері.

Қазіргі уақытта аталған факті бойынша ҚР ҚК-нің 188-бабы 1-бөлігіне сәйкес сотқа дейінгі тергеу амалдары жүргізілуде.

Естеріңізге сала кетсек, бұған дейін ШҚО тұрғындары заңсыз сақталған 100 қаруды өткізгенін хабарлаған едік .


回到顶部