今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Өскеменде 5 жасар ұлының жоғалып кеткендігі жайлы жалған хабар берген әйел жазаланды

1 八月 2021 18:59

ӨСКЕМЕН. ҚазАқпарат – Өскемен қаласының тұрғыны полицияға 5 жасар ұлының жоғалып кеткендігі жайлы жалған хабар бергені үшін жауапқа тартылды, деп хабарлайды ҚазАқпарат тілшісі.

Қалалық Полиция басқармасы баспасөз қызметінің мәліметіне сүйенсек, полицияға хабарласқан әйел адам кішкентай ұлының жоғалып кеткендігіне шағымданған.

«Өз сөзінде ол 5 жасар Мишаның Қазақстан көшесіндегі «Дөнер» дәмханасының ойын алаңында жүргенін айтты. Содан кейін әйел баласын «Электр тауарлары» дүкенінің маңында тұратын бұрынғы күйеуінің алып кетуі мүмкін екендігін алға тартты. Бірақ полиция қызметкерлеріне нақты мекен-жайды айта алмаған», - деп хабарлады ведомство өкілдері.

Сөзден бірнеше рет жаңылған азаматша араға біраз уақыт салып арыз берген кезде мас болғандығын, ұлының мүлде жоғалмағандығын жеткізді. Сол үшін тәртіп сақшылары оған қатысты ҚР ӘҚБтК-нің 438-бабы 1-бөлігімен (Арнаулы қызметтердi көрiнеу жалған шақыру) әкімшілік хаттама толтырды.


回到顶部