今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Оралда орталық алаңның біріне қабан кіріп кетті

29 十月 2019 18:20

ОРАЛ. ҚазАқпарат – Оралда орталық алаңның біріне қабан кіріп кетті, деп хабарлайды ҚазАқпарат тілшісі.

Орал қалалық полиция басқармасы 19-учаскелік полиция бекетінің учаскелік полиция инспекторы, полиция капитаны Ақылбек Бисеновтің айтуынша, оқиға 28 қазан күні шамамен сағат 23.00-де тұңғыш Президент алаңында болды.

Тұрғындардан алаңда жабайы қабанның «серуендеп» жүргені жөнінде 102 телефонына хабар түскен.

Оқиға орнына жеткен патрульдік полиция тобы табельдік қаруды қолданбай, қабанды ақырындап орманға шығарып жіберген.

«Қабаннан көлік, адамдар зардап шеккен жоқ», деді ҚазАқпарат тілшісіне А.Бисенов.

Еске сала кетейік, өңірде осындай үшінші оқиға тіркеліп отыр. Бұдан бұрын БҚО-да ауылға қабан кіріп кеткен болатын. Ал содан кейін полицейлер тағы бір қабанды атып өлтіруге мәжбүр болғанын жазған едік.

回到顶部