今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Қозоғистон Президенти ЖССТ Жаҳон соғлиқни сақлаш ассамблеясининг махсус сессияси очилишида нутқ сўзлади

29 十一月 2021 20:31

JENEVA. Kazinform – Қозоғистон Президенти ЖССТ Жаҳон соғлиқни сақлаш ассамблеясининг навбатдан ташқари сессиясида иштирок этди, деб хабар беради Kazinform Ақордага таяниб.

Давлат раҳбари Жаҳон соғлиқни сақлаш ассамблеясининг навбатдан ташқари сессияси иштирокчиларига ҳурмат бажо келтирди ва COVID-19 пандемиясига қарши курашиш муҳимлигини таъкидлади. Бу ЖССТ тарихидаги иккинчи махсус сессиядир. Бу муаммонинг долзарблигини кўрсатади.

«ЖССТ аҳоли саломатлигини қўллаб-қувватлаш бўйича мисли кўрилмаган глобал курашда етакчи рол ўйнади. ЖССТга аъзо барча давлатлар ва уларнинг соғлиқни сақлаш тизимлари оғир зарбаларни бошдан кечирди ва бошдан кечиришда давом этмоқда. Коронавируснинг янги ва хавфли штаммлари дунё бўйлаб тез тарқала бошлаганлиги сабабли, яқин ҳафталарда COVID-19 ҳолатлари сони сезиларли даражада ошиши кутилмоқда. Яқинда жанубий африкалик тадқиқотчилар томонидан аниқланган «Омикрон» штамми янги хавф туғдирмоқда», - деди Қасим-Жомарт Тоқаев.




Президент пандемия халқаро ҳамкорликдаги кўплаб камчиликларни кўрсатганини таъкидлади. Инқирознинг ижтимоий-иқтисодий оқибатлари ҳам барча даражадаги ижтимоий тузилмани чуқур қайта кўриб чиқишни талаб қилади. Пандемия бирдамликка асосланган янги глобал ёндашув ва биологик муаммоларни ҳал қилишда янада самарали тизим зарурлигини тасдиқлади.

«Аввало, вирусга қарши бизни ҳимоясиз қилган бўшлиқларни ёпишимиз керак. Шу сабабли, биз ушбу Махсус сессияда ягона мақсад билан, яъни ЖССТ конвенциясини ёки пандемияга тайёргарлик ва унга қарши чоралар кўришни бўйича халқаро ҳужжатни ишлаб чиқиш учун йиғилдик. Жаҳон соғлиқни сақлаш ассамблеясининг 74-йиғилиши ишчи гуруҳига тайёргарлик ишлари ва ҳисоботи учун миннатдорчилик билдиришга ижозат бергайсиз. Қозоғистон Жаҳон соғлиқни сақлаш ташкилоти конвенциясига пандемияга тайёргарлик ва унга қарши чоралар кўришни оширишга қаратилган таклифларни маъқуллайди», - деди Давлат раҳбари.

Қасим-Жомарт Тоқаев Қозоғистон ЖССТни қўллаб-қувватлаши ва бу ташкилотни ишончли ҳамкор деб билишини айтди. У ташкилот бош директорининг жаҳон ҳамжамиятининг коронавирусга қарши курашдаги шахсий ҳиссасини юқори баҳолади.




«Ҳозирги пандемия нафақат соғлиқни сақлаш соҳасида фавқулодда ҳолат. Кўпчилик инқироз нафақат мамлакатлар ва миллий соғлиқни сақлаш тизимларидаги таркибий заифликларни, балки глобал даражадаги жиддий тизимли тенгсизликларни аниқлади. Шунинг учун Қозоғистон дунёда вакциналарнинг адолатли тақсимланиши тарафдори ва буни фаол тарғиб қилмоқда. Биз 2022 йил ўрталаригача глобал эмлашни таъминлаш бўйича ЖССТнинг COVID-19га қарши стратегиясини тўлиқ қўллаб-қувватлаймиз», - деди Президент.




Давлат раҳбари ассамблея иштирокчиларига QazVac вакцинасининг яратилиши ва унинг янги «Дельта» штаммига қарши муваффақиятли модификацияси ҳақида гапириб берди. Қозоғистон вакцинаси нафақат мамлакатда, балки Марказий Осиёнинг бошқа мамлакатларида ҳам самарали қўлланилмоқда.





回到顶部