今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Коронавирусқа қарсы Pfizer вакцинаны сақтау талаптары қандай

21 十月 2021 15:07

АЛМАТЫ. ҚазАқпарат - Алматы қалалық қоғамдық денсаулық сақтау басқармасының басшысы Нариман Табынбаев брифинг барысында коронавирусқа қарсы Pfizer вакцинасы қандай жағдайда сақталуы керектігін түсіндірді, деп хабарлайды ҚазАқпарат тілшісі.

Нариман Табынбаев Алматыдағы барлық 137 егу пунктіне Pfizer вакцинасы жеткізілетінін атап өтті.

«Үкімет бірінші кезеңде вакциналанатын үш басым топты анықтап берді. Қазір қалаға Pfizer препаратын әкелу жоспарда. Сонымен қатар, бұл вакцинаны мектептерге бару арқылы жүргізуге рұқсат етіледі. Айта кетейін, вакцинация ерікті түрде және ата-аналардың келісімімен жүргізіледі», - деді спикер.

Сонымен қатар, ол ведомствода вакцинаны сақтау бойынша нақты нұсқаулар бар екенін тілге тиек етті.

«Pfizer вакцинасы – 60-90 градус температурада сақталуы тиіс. Бұл әзірлеушілердің басты талабы. Ерітілгеннен кейін ампулаларды 2-8 градус температурада сақтауға болады. Препаратты жалпы алғанда 30 күнге дейін суық тізбекті сақтай отырып қолдануға болады, осы уақыт ішінде ол өзінің қасиеттерін сақтайды», - деп толықтырды Нариман Табынбаев.


回到顶部