今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Қазақстанда баспана бағасының өсуі баяулайтыны болжанды

24 五月 2022 18:08

НҰР-СҰЛТАН. ҚазАқпарат – Елімізде тұрғын үйдің бағасына тікелей әсер ететін негізгі факторлар аталды, деп хабарлайды ҚазАқпарат тілшісі.

«Алдымен бағаға әсер ететін ол – инфляция. Екінші фактор – халықтың демографиялық көрсеткіші. Өткен жылы Қазақстанда 450 мың бала дүниеге келді. Бұл рекордтық көрсеткіш. Туу көрсеткішінің өсуіне қарап, қазақстандықтардың болашағына деген нық сенімді байқауға болады. Отбасы мүшелері артқан сайын тұрғын үйдің де аясын кеңейту мәселесі туындайды»,- деді «Отбасы банк» АҚ-ның басқарма төрағасы Ләззат Ибрагимова Орталық коммуникациялар қызметінде өткен баспасөз мәслихатында.

Банк басшысы келтірген мәліметке сәйкес, тұрғын үй бағасына әсер ететін үшінші фактор – әлемдегі әлеуметтік тенденция.

«Пандемияға байланысты көп адамның баспана мәселесіне қатысты көзқарасы мен ұстанымы өзгерді. Адамдар қашықтан жұмыс істеуге көшті. Бұл өз үйі болуының маңыздылығын арттыра түсті. Сондай-ақ төртінші фактор – тұрғын үй мәселесін шешуде зейнетақы қорындағы жинақты қолдану мүмкіндігі. Әрине, қазір зейнетақы жинағын қолдану мүмкіндігі төмендеді. Сәуір айының қорытындысы бойынша 20 пайызға азайды. Биылғы жарты жылдағы есеп бойынша елімізде баспана бағасының өсуі баяулайды деп ойлаймын. Бірақ бағаның айтарлықтай төмендеуі мүмкін емес», - дейді ол.

Сондай-ақ аталған баспасөз мәслихатында «Бақытты отбасы» бағдарламасы бойынша өтінім қабылдаудың кейінге шегерілгені айтылған болатын.


回到顶部