今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Қасым-Жомарт Тоқаевтың Тәжікстанға екі күндік жұмыс сапарының видеосы жарияланды

18 九月 2021 15:05

ДУШАНБЕ. ҚазАқпарат - Қазақстан Президенті Қасым-Жомарт Тоқаевтың Тәжікстан астанасы Душанбеге екі күндік жұмыс сапарының толық видеосы жарияланды, деп хабарлайды ҚазАқпарат.

Бейнешолуды Қазақстан Президент телерадиокешені Instagram парақшасында бөлісті.

Еске сала кетейік, Қазақстан Президенті Қасым-Жомарт Тоқаев Душанбеде ҰҚШҰ мен ШЫҰ-ға мүше мемлекеттер басшыларының бірлескен отырысына қатысты.

Қазақстан Президентінің пікірінше, ҰҚШҰ мен ШЫҰ-ға мүше мемлекеттер Ауғанстанның жаңа билігімен бейресми диалог құруға бастама жасағаны жөн.

Сондай-ақ, Мемлекет басшысы биыл ШЫҰ үшін ерекше жыл екенін және осыдан жиырма жыл бұрын тарихи қадам жасалғанын, яғни ШЫҰ-ны құру туралы декларация қабылданғанын атап өтті.

Қазақстан Президенті ХХІ ғасырдың басында негізі қаланған Шанхай ынтымақтастық ұйымының еуразиялық кеңістіктегі халықтардың қауіпсіздігі мен өсіп-өркендеу жолындағы тиімді ынтымақтастыққа деген ұжымдық ерік-жігерін бүкіл әлемге танытқанын айтты.



回到顶部