今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Израиль мен Швейцарияда маймыл шешегі анықталды

23 五月 2022 08:45

НҰР-СҰЛТАН. ҚазАқпарат – Израиль мен Швейцарияда маймыл шешегін жұқтырудың алғашқы оқиғалары расталды. Бүгінде ауру анықталған елдер саны 14-ке жетті. Бұл туралы ҚазАқпарат BBC ақпарат агенттігіне сілтеме жасап хабарлайды.

Екі елде де ауруды бірінші жұқтырғандар жақында ғана шетелден келген. Израильде инфекцияның бірнеше жағдайы зерделену үстінде.

Маймыл шешегі Орталық және Батыс Африкада жиі кездеседі. Бұл аймақтан тыс жерде оның қоздырғышын көбінесе сол жерде болған адамдар мен жануарлар тасымалдайды.

АҚШ, Канада, Австралия және Еуропада маймыл шешегінің жаңа жағдайлары зерттелуде.

Осы аптада АҚШ, Канада, Испания, Португалия, Ұлыбритания, Франция, Италия, Швеция және Австралия билігі де өз аумағында аурудың өршуін растады.

Әлемде инфекцияның 80-ге жуық расталған жағдайы туралы хабарланған, бірақ Дүниежүзілік денсаулық сақтау ұйымы маймыл шешегін жұқтырды деген күдікке ілінген тағы 50 пациент туралы айтты, бірақ қай елде анықталғаны атамай отыр. Ұйым ауру санының әлі де артатынын ескертті.

Ғалымдар індеттің осынша қарқынды таралатынын күткен жоқ, десе де маймыл шешек адамнан адамға оңай жұқпайды. Британдық денсаулық сақтау қызметінің мәліметінше, ауру әдетте жеңіл өтеді, адамдардың көбі бірнеше апта ішінде сауығып кетеді.


回到顶部