今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Игорь Сон: Токио Олимпиадасына дейін мұндай ауыр салмақты көтерген емеспін

25 七月 2021 16:48

НҰР-СҰЛТАН. ҚазАқпарат - Токио Олимпиадасының қола жүлдегері, зілтемірші Игорь Сон жеңістен кейін Ұлттық олимпиада комитетінің ресми сайтына сұхбат берді, деп хабарлайды ҚазАқпарат.

Бүгін Токиодағы Олимпиада ойындарында қазақстандық зілтемірші Игорь Сон қола медаль жеңіп алды.

Спортшы жарыс кезінде қатты қобалжығанын жасырмады.

«Ойымды жинақтауға тура келді. Қалай уайымдағанымды сөзбен жеткізе алмаймын. Токиоға дейін осынша салмақ көтерген емеспін. Демек, бұл менің ірі жарыстарда көрсеткен ең жақсы нәтижем. Жаттығу залында қарсыластарды бақылап отырдық.

Басты қарсыласым зілтемірді қисайтып алған кезде де уайымым кете қоймады. Бәрі болуы мүмкін ғой. Мен жұлқа көтеруден жақсымын, серпе көтеруде біраз қиындық бар.

Ал төрешілер есептемей қойған екі мүмкіндікке келер болсақ, екеуінде де шынтағымның қозғалғаны кері әсер етті. Бәрі таза болуы керек.

Рахмет, Қазақстан! Маған қолдау көрсеткендердің бәріне алғыс айтамын. Алға, Қазақстан», - деді Сон.



Фото: Тұрар Қазанғапов, Қазақстан ҰОК


回到顶部