今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Биыл Алматыда 1400-ден астам адамды ит қапты

25 五月 2022 17:51

АЛМАТЫ. ҚазАқпарат- 2021 жылы Алматыда 3500 адам қаңғыбас иттерден зардап шеккен. Жыл басынан бері мегаполисте 1400 -ден астам адамды ит қауып алды, деп хабарлайды ҚазАқпарат тілшісі.

«Алматыда ит қабу фактілері болды. Санитарлық-эпидемиологиялық бақылау департаментінің мәліметінше, өткен жылы 3500-ге жуық жағдай тіркелген. Барлық ақпарат біздің қызметке дереу түседі, біз қаңғыбас иттерді шұғыл ұстаймыз. Биыл Алматыда 1400 -ден астам адамды ит қапқан. Басым бөлігі қаңғыбас иттер», - деді Алматы қалалық ветеринария қызметінің басшысы Әдіс Сейдақматов өңірлік коммуникациялар қызметінде өткен баспасөз мәслихатында.

Сонымен қатар ол Алматы қаласының аумағында ит пен мысыққа құтыруға және эхинококкозға қарсы вакцина салынатынын жеткізді. Еске салайық, сәуір айында Алматыда үй жануарларын тегін чиптеу бағдарламасы іске қосылған болатын. Оның аясында 15 мың үй жануары қамтылмақ.


回到顶部