今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Биыл 318 қауіпті өндіріс ошағы жұмысын тоқтатты  - Төлеген Оспанқұлов

22 十月 2021 15:10

НҰР-СҰЛТАН. ҚазАқпарат – Республика кәсіпорындарында 15 мың өндірістік кеңестің араласуымен 318 қауіпті өндіріс көзі жұмысын тоқтатқан, деп хабарлайды ҚазАқпарат тілшісі.

Бұл туралы ҚР Бас мемлекеттік еңбек инспекторы Төлеген Оспанқұлов орталық коммуникациялар қызметінде өткен брифингіде мәлім етті.

«Еліміздің 2,7 мыңнан астам кәсіпорны Еңбек қауіпсіздігі және еңбекті қорғау стандарттарын енгізді. Республика кәсіпорындарында 15 мың өндірістік кеңес жұмыс істейді. 2020 жылы техникалық инспекторлар еңбек жағдайлары бойынша 64 039 тексеру жүргізді. Оның барысында 118 912 бұзушылық анықталды. Оның ішінде қауіпсіз еңбек жағдайларын қамтамасыз ету мәселелері бойынша – 42 704 іс тіркелді. Ұйымда еңбек жағдайлары мен қауіпсіздігін жақсартуға бағытталған 34 434 ұсыныс беріліп, 318 жабдық, машина, жұмыс орындары мен өндірістік цехтардың жұмысы тоқтатылды», - деді Төлеген Оспанқұлов.

Оның сөзіне қарағанда, аталмыш өндірістік кеңестер тиімді екенін көрсеткен.

«Олар анықтаған бұзушылықтарды жою нәтижесі өндірістік жарақаттануды болдырмауға және қауіпсіз еңбек жағдайларын жасауға ықпал етті», - деді Бас мемлекеттік еңбек инспекторы.


回到顶部