今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

Australian Open: Юлия Путинцева алғашқы айналымнан аса алмады

17 一月 2022 08:39

НҰР-СҰЛТАН. ҚазАқпарат – Қазақстандық, әлемнің 42-ракеткасы Юлия Путинцева Аустралия ашық чемпионатының екінші айналымына өте алмады, деп хабарлайды ҚазАқпарат тілшісі.

Ю.Путинцева алғашқы айналымда дүниежүзілік рейтингте 107-орында тұрған франциялық Хармони Танмен кездесті.

Франциялық теннисші күтпеген жерден 6:3, 6:3 есебімен жеңіске жетті.

Ю.Путинцева 1 сағат 18 минутқа созылған матч барысында 2 эйс жасап, 2 брейк-пойнттың екеуін де пайдаланды. Қарсыласы 3 эйс, 5 брейкке (6 брейк-пойнт) қол жеткізді.

Ю.Путинцева өткен жылы осы біріншілікте үшінші айналымға дейін жеткен болатын.

Осылайша Аустралия ашық чемпионаты қазақстандықтар үшін сәтсіз басталды. Дегенмен Ю.Путинцева жұптық сында америкалық София Кенинмен бірге екі күннен кейін кортқа шығады.

Еске сала кетейік, бұдан бұрын Елена Рыбакинаның әлемдік рейтингіде рекорд көрсеткішке қол жеткізгенін, қазақстандық теннисшінің Мысырдағы жарыстың жеңімпазы атанғанын, Аустралия ашық чемпионатында алғаш рет тоғыз қазақстандық теннисшінің өнер көрсететінін жазған болатынбыз.






作者 Елжан Ералы
关键词: Спорт,
回到顶部