今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Атырауда алаяқ университетке ақысыз түсіремін деп үш адамның 1,2 млн теңгесін алған

21 十月 2021 22:10

АТЫРАУ. ҚазАқпарат – Атырауда 37 жастағы алаяқ үш адамның 1,2 млн теңгесін алдап алған, деп хабарлайды ҚазАқпарат.

Облыстық полиция департаменті баспасөз қызметінің мәліметіне сүйенсек, 18 қазанда алаяққа алданған үш адамнан шағым түскен.

«Атырау қалалық полиция басқармасына 22, 27 және 35 жастағы жергілікті үш тұрғын арызданды. Олар 37 жастағы азаматтың жоғары оқу орнына ақысыз түсіруге уәде бергенін айтқан. Күдікті алаяқтық жолмен жәбірленушілердің бірінен 600 мың, екіншісінен 292 мың, ал үшіншісінен 350 мың теңге алған. Алайда, осы кезге дейін уәде етілген оқуға түсірмеген, не алған ақшаны кері қайтармаған. Жәбірленушілер алаяққа алдағанын біліп, полиция қызметкерлерінің көмегіне жүгінген» -деп хабарлады департаменттің баспасөз қызметі.

Қазір күдікке ілінген алаяққа қатысты ҚР Қылмыстық кодексінің 190-бабының 3-бөлігімен (Алаяқтық) қылмыстық іс тіркеліп, сотқа дейінгі тергеу жүргізілуде.

Еске сала кетелік, кетелік, бұдан бұрын Атырауда күзет басқармасы бастығының орынбасары 7 жылға сотталғанын жазған едік.


回到顶部