今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

Астаналықтардың 80 пайыздан астамы санақтан өтті

27 十月 2021 16:48

НҰР-СҰЛТАН. ҚазАқпарат – Елорда жұртының 80 пайыздан астамы халық санағынан өтті. Бұл туралы Нұр-Сұлтан қаласы әкімінің орынбасары Малика Бектұрова мәлім етті, деп хабарлайды ҚазАқпарат тілшісі.

«Өздеріңіз білетіндей, 1 қазаннан бастап еліміздің барлық аумағында халық санағының екінші кезеңі басталды. Бүгінде 14 миллионнан астам қазақстандық санақтан онлайн немесе офлайн форматта өтті. Елордаға келсек, халық санағы жоғары қарқынмен жүруде. Көпшілік жұмыста болғандықтан санақтан онлайн өтіп жатыр. Онлайн формат халық үшін ыңғайлы, санақ жүргізу үшін тиімді болып отыр», - деді Малика Бектұрова әкімдікте өткен баспасөз мәслихатында.

Сондай-ақ әкім орынбасары елордалықтарды санаққа белсенді қатысуға шақырды.

«Қазіргі уақытта елорда халқының 80 пайыздан астамы санақтан өтті. Бұл айтарлықтай көрсеткіш, тұрғындардың белсенділігі үшін қуаныштымыз. Халық санағы 30 қазанға дейін жалғасады, осы орайда санақтан өтпеген азаматтарды белсенді болуға шақырамыз. Бұл процесс ел экономикасын одан әрі дамыту стратегиясы үшін маңызды. Бұл – біздің азаматтық парызымыз», - дейді ол.


回到顶部