今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

اۋىل شارۋاشىلىعى مينيسترلىگى بيىل استىق ءتۇسىمى وسەتىنىن بولجادى

25 五月 2022 17:04

نۇر- سۇلتان. قازاقپارات - بيىل استىق ءتۇسىمى گەكتارىنا 0,7 تسەنتنەرگە ارتادى. بۇل تۋرالى ق ر اۋىل شارۋاشىلىعى مينيسترلىگى ەگىن شارۋاشىلىعى دەپارتامەنتىنىڭ ديرەكتورى ازات سۇلتانوۆ ايتتى، دەپ حابارلايدى قازاقپارات ءتىلشىسى.

«جالپى، «قازگيدرومەت» قۋاڭشىلىققا بايلانىستى وڭ بولجام جاساپ وتىر. قازىر ەگىن ەگۋ جۇمىستارى جۇرگىزىلىپ جاتىر. ءبىز كوكتەمگى قۋاڭشىلىقتى بولدىرمادىق. اۋا رايى قولايلى، جۇمىس ءجۇرىپ جاتىر. جيناقتالعان ىلعال بار. فەرمەرلەر قىسقى كەزەڭنەن قالعان ىلعالدى جيناقتاۋ جانە ساقتاۋ ءىس- شارالارىن جۇزەگە اسىرۋعا ءتيىس بولاتىن. ولار مۇنى جۇزەگە اسىردى. جاقسى ءونىم الۋدىڭ جالعىز جولى - «ىلعالدى جابۋ»، - دەدى ازات سۇلتانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، قولايلى اۋا رايى استىق ءتۇسىمىنىڭ ارتۋىنا ىقپال ەتەدى.

«فەرمەرلەر ىلعال جيناۋ جۇمىسىن جۇرگىزدى. جانە دە بۇل استىق ءتۇسىمى گەكتارىنا كەمىندە 0,7 سەنتنەرگە ارتاتىندىعىنا قاتىستى بولجام جاساۋعا مۇمكىندىك بەرەدى. جۇرگىزىلگەن ءىس- شارالاردىڭ ارقاسىندا وسىمدىك قاجەتتى ىلعالمەن قامتاماسىز ەتىلەدى»، - دەدى دەپارتامەنت ديرەكتورى.

回到顶部