今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

تۇركيا سيريادا بەسىنشى اسكەري وپەراتسيا باستاماق

24 五月 2022 21:21

انكارا. قازاقپارات - تۇرىك قارۋلى كۇشتەرى سيريا اراب رەسپۋبليكاسىنىڭ (س ا ر) اۋماعىندا جاڭا ترانسشەكارالىق وپەراتسيانى جوسپارلاپ وتىر، دەپ حابارلايدى قازاقپارات مەنشىكتى ءتىلشىسى YeniŞafak-قا سىلتەمە جاساپ.

بۇعان دەيىن تۇركيا اسكەرى ەلدىڭ وڭتۇستىك- شىعىس شەكارالارىندا قاۋىپسىز ايماقتار قۇرۋ ءۇشىن وسىنداي لاڭكەستىككە قارسى وپەراتسيالاردى جۇرگىزگەن بولاتىن. «ەۆفرات قالقانى»، «زايتۇن بۇتاعى» جانە «كوكتەمگى قالقان» اسكەري وپەراتسيالارى ءساتتى وپەراتسيالار بولىپ سانالادى. ولاردىڭ كەيبىرەۋلەرى بىرنەشە رەت وتكىزىلدى. قازىرگى بەسىنشى انتيتەرروريستىك وپەراتسيا «بارىش پىنارى» دەپ اتالادى.

بۇل تۇرىك تىلىنەن اۋدارعاندا «بەيبىتشىلىك كوزى» دەگەن ماعىنانى بىلدىرەدى. لاڭكەستىككە قارسى بەسىنشى وپەراتسيا سيريانىڭ سولتۇستىك بولىگىندە وتكىزىلمەك. مينيسترلەر كابينەتىنىڭ وتىرىسىنان كەيىن ۇلتقا جاساعان ۇندەۋىندە ر. ەردوعان مۇنداي جاعدايلاردا تۇركيا قارۋلى كۇشتەرىنىڭ نەگىزگى ماقساتتارى ەلدىڭ وڭتۇستىك وڭىرلەرىنىڭ عانا ەمەس، بۇكىل رەسپۋبليكانىڭ قاۋىپسىزدىگىن قامتاماسىز ەتۋدەن باسقا ەشتەڭە ەمەس ەكەنىن ايتتى.

«ءبىز وڭتۇستىك شەكارالارىمىزدىڭ بويىندا 30 شاقىرىمدىق قاۋىپسىزدىك ايماعىن قۇرۋ بويىنشا جۇمىس ىستەپ جاتىرمىز. «بەيبىتشىلىك كوزى» وپەراتسياسى تۇركياعا قاتىستى تەرروريستىك قاۋىپتى بەيتاراپتاندىرادى جانە سيريالىق بوسقىنداردىڭ تۋعان جەرلەرىنە جايلى ورالۋىن جەڭىلدەتەتىن قاۋىپسىز ايماق قۇرۋعا مۇمكىندىك بەرەدى. ءبىز سيريانىڭ اۋماقتىق تۇتاستىعىن ساقتاپ، ايماق حالقىن لاڭكەستەردەن ازات ەتەمىز»، - دەدى تۇركيا پرەزيدەنتى.

اۆتور: اقجىگىت چۋكۋبايەۆ


关键词: الةم,
回到顶部