今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

قىتاي شەتەلگە توپتىق تۋرلاردى توقتاتتى

24 五月 2022 09:25

بەيجىڭ. قازاقپارات - قىتايدىڭ يمميگراتسيالىق ورگاندارى شەتەلدىك توپتىق تۋرلارعا تىيىم سالۋ ساياساتىن جالعاستىرۋدا جانە كوروناۆيرۋس پاندەمياسىنا بايلانىستى ەل ازاماتتارىنا شەتەلگە شىعۋدان باس تارتۋدى ۇسىنادى، دەپ حابارلايدى قازاقپارات ءتىلشىسى ق ح ر مەملەكەتتىك يمميگراتسيا باسقارماسىنا سىلتەمە جاساپ.

«ءبىز ازاماتتارعا قىتايدان ورىنسىز كەتپەۋگە كەڭەس بەرەمىز، ال شەتەلگە ساياحاتتاۋدى جوسپارلاپ وتىرعاندار پاندەمياعا بايلانىستى تاۋەكەلدەر مەن ءقاۋىپتى ەسكەرۋى كەرەك»، - دەدى ق ح ر مەملەكەتتىك يمميگراتسيا جونىندەگى باسقارماسىنىڭ شەكارا ينسپەكتسياسى ءبولىمىنىڭ باسشىسى ليۋ حايتاو.

ونىڭ ايتۋىنشا، ەلدە ءالى دە شەتەلدەگى توپتىق تۋرلارعا شەكتەۋلەر بار جانە شەتەلدەگى كورىكتى جەرلەرگە ساياحاتتاۋ نەمەسە دوستارىنا بارۋ ءۇشىن جەكە ساپارلاۋعا جول بەرىلمەيدى. سونىمەن بىرگە، قىتايدىڭ يمميگراتسيالىق بيلىگى حالىقتى قاجەتتى سەبەپتەر، شۇعىل جەكە ىستەر بويىنشا كىرۋ/شىعۋ قۇجاتتارىن ۋاقتىلى راسىمدەيدى. قاجەتتى (شۇعىل، كەيىنگە قالدىرىلمايتىن) شەتەلدىك ساپارلارعا گۋمانيتارلىق جۇكتەردى جەتكىزۋ، نەگىزگى ينجەنەرلىك جوبالارعا قاتىسۋ، عىلىمي زەرتتەۋلەر، وقۋ، ەمدەۋ، اۋىر ناۋقاستارعا كۇتىم جاساۋ جاتادى. 2020 -جىلدىڭ باسىنان بەرى قىتاي حالىقارالىق رەيستەردىڭ سانىن ايتارلىقتاي قىسقارتتى. بۇل ىندەتتىڭ شەتەلدەن اكەلىنۋىنە جول بەرمەۋ ءۇشىن جاسالدى.

اۆتور: ەركەجان سماعۇل

关键词: الةم,
回到顶部