今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

الماتى- وسكەمەن تاس جولىنداعى قۇبىرلى وتكەلدى شايىپ كەتۋ دەرەگىنە قاتىستى قىزمەتتىك تەكسەرۋ باستادى

23 五月 2022 19:34

نۇر- سۇلتان. قازاقپارات - «قازاۆتوجول» ۇ ك» ا ق الماتى- وسكەمەن باعىتىنداعى قۇبىرلى وتكەلدى شايىپ كەتۋ وقيعاسىنىڭ ءمان- جايىن ەگجەي- تەگجەيلى انىقتاۋ ءۇشىن قىزمەتتىك تەكسەرۋدى باستادى، دەپ حابارلايدى قازاقپارات.

بەلگىلى بولعانداي، كەڭ ارناعا ەڭ تومەنگى ديامەترى بار سۋوتكىزگىش قۇبىر جوبالانعان. بۇزۋشىلىقتار انىقتالعان جاعدايدا كىنالى ازاماتتار زاڭناماعا سايكەس جاۋاپكەرشىلىككە تارتىلادى.

«اتالعان ۋچاسكەنىڭ قۇرىلىسى مەن جوبالاۋعا كەلىسىم- شارت 2017 -جىلى جاسالعان. ديامەترى 1,5 مەتر بولاتىن قۇبىر قۇرىلىسىنىڭ تەحنيكالىق شەشىمىن الماتى قالاسىنداعى «كازدورپروەكت» ج ش س ازىرلەپ، «قازاۆتوجول» ا ق- نىڭ «قۇرىلىس جونىندەگى ديرەكتسياسى» فيليالى، «گ ك ينجينيرينگ» ج ش س تەحنيكالىق قاداعالاۋ قىزمەتى، CITIC Construction ۇسىنعان مەردىگەر تاراپىنان كەلىسىلگەن. سونداي- اق، وسىنداي جاعدايدىڭ الدىن الۋ ماقساتىندا رەسپۋبليكالىق ماڭىزى بار جولداردىڭ بارلىق ۋچاسكەلەرىندەگى قالعان قۇبىرلار مەن مال وتكەلدەرىنە تەكسەرىس جۇرگىزىلۋدە»، - دەپ جازدى ۆەدومستۆودان.

قازىرگى ۋاقىتتا قۇبىرلى وتكەلدى سۋ شايىپ كەتكەن ۋچاسكەدە جوندەۋ- قالپىنا كەلتىرۋ جۇمىستارى جالعاسۋدا. تاۋلىك بويى پاترۋل ۇيىمداستىرىلدى. بۇل ايماق جابىق كۇيىندە تۇر.

جوندەۋ- قالپىنا كەلتىرۋ جۇمىستارىنا 16 ارنايى تەحنيكا مەن 20 عا جۋىق جول جۇمىسشى جۇمىلدىرىلعان.

ەسكە سالا كەتەيىك، 2022 -جىلعى 22-مامىردا قاتتى جاۋعان جاڭبىردان كەيىن اعىندى سۋ جاڭادان سالىنىپ جاتقان تالدىقورعان- ءۇشارال جولىن شايىپ كەتكەن بولاتىن. ىلە- شالا الماتى- وسكەمەن تاس جولىنىڭ 382-410 شاقىرىمىن سۋ شايىپ كەتۋگە بايلانىستى جابىلدى.

关键词: ايماق,
回到顶部