今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

شەكارانى زاڭسىز كەسىپ وتكەن شەتەل ازاماتى ىزدەستىرىلىپ جاتىر

23 五月 2022 14:21

ورال. قازاقپارات - باتىس قازاقستان وبلىسىندا شەكارانى زاڭسىز كەسىپ وتكەن وزبەكستاندىق ازامات ىزدەستىرىلىپ جاتىر، دەپ حابارلايدى قازاقپارات ءتىلشىسى.

ق ر ۇ ق ك شەكارا قىزمەتىنىڭ باسپا ءسوز قىزمەتى ءمالىم ەتكەندەي، 1991 -جىلى تۋعان وزبەكستاندىق ۋسمون سايدجالولوۆقا قاتىستى ق ر ق ك 392-بابى 1-بولىگىنە (ق ر مەملەكەتتىك شەكاراسىن قاساقانا زاڭسىز كەسىپ ءوتۋ) سايكەس قىلمىستىق ءىس قوزعالعان. ونىڭ قاسىندا 2016 -جىلعى ۇلى دا بار.

«22- مامىر كۇنى ۋ. سايدجالولوۆ تەرگەۋ امالدارىن جۇرگىزۋ ءۇشىن شەكارا قىزمەتى دەپارتامەنتىنە شاقىرتىلعان بولاتىن. الايدا وزبەكستاندىق ازامات كەلمەي، بەلگىسىز باعىتتا بوي تاسالاعان. قازىرگى كەزدە ونىڭ ۇلىمەن بىرگە قايدا جۇرگەنى بەلگىسىز.

ەرەكشە بەلگىلەرى: بويى 165-170 س م، ورتا دەنەلى، شاشى قارا، ۇستىنە قارا كۇرتە، سۇر دجينسى، اياعىنا قارا كروسسوۆكا كيگەن. قازاقستان شەكاراسىنان زاڭسىز، وتكىزۋ بەكەتىنە سوقپاي نەمەسە جالعان قۇجاتپەن ءوتۋى ىقتيمال»، دەپ حابارلادى ۆەدومستۆودان.

اۆتور: ەلجان ەرالى






关键词: ايماق,
回到顶部