今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

قارۋلى كۇشتەردەگى تاربيە جانە يدەولوگيا جۇمىستارى تۇبەگەيلى قايتا قارالماق

23 五月 2022 09:57

نۇر- سۇلتان. قازاقپارات – قازاقپارات قازاقستانداعى اسكەري وقۋ ورىندارىندا دايارلىق باعدارلامالارى قايتا قارالادى. بۇل تۋرالى ەلىمىزدەگى بارلىق اسكەري گارنيزوندى ارالاپ شىققان قورعانىس ءمينيسترى رۋسلان جاقسىلىقوۆ تاپسىرما بەردى، دەپ حابارلايدى «حابار 24».

قورعانىس مينيسترلىگىنىڭ القا ماجىلىسىندە كوتەرىلگەن ماسەلەلەرگە توقتالعان ستراتەگيالىق دامۋ دەپارتامەنتى باستىعىنىڭ ورىنباسارى الپامىس وتەپوۆ: «ماجىلىستە قىسقى وقۋ كەزەڭىندەگى جالپى قىزمەتتىڭ، جاۋىنگەرلىك جانە جۇمىلدىرۋ دايىندىعىنىڭ، تىلدىق جانە تەحنيكالىق قامتاماسىز ەتۋدىڭ قورىتىندىلارى شىعارىلدى. اسكەري ءتارتىپ پەن قۇقىقتىق ءتارتىپ جاعدايى دا تالداندى. قىسقى وقۋ مەرزىمىندە بولىمشەلەر تەكسەرىلگەن بولاتىن. سونىمەن قاتار، ءتۇرلى وقۋ- جاتتىعۋ وتكىزىلگەن ەدى»، - دەدى.

ونىڭ ايتۋىنشا، قازىرگى كەزدە تەحيكا مەن قارۋ- جاراقتى جاڭارتۋ مەن جوندەۋ جۇمىستارى ءجۇرىپ جاتىر. قىسقى وقىتۋ مەرزىمىندە قويىلعان باستى ماقساتتار مەن مىندەتتەر ورىندالدى. وسى ورايدا، ۆەدومستۆو باسشىسى گارنيزوندارداعى اسكەرلەردىڭ ناقتى جاعدايىن جاقسى بىلەدى. تاربيە ءارى يدەولوگيا جۇمىستارىنا بايلانىستى ماسەلەلەر كوتەرىلدى. مينيستر جاۋىنگەرلىك دايارلىقتىڭ وقۋ- ماتەريالدىق بازالارىنا ەرەكشە نازار اۋدارىپ، وقىتۋ سىنىپتارى مەن جاتتىعۋ پوليگوندارىن سىنعا الدى. سونىمەن قاتار ول القا ماجىلىسىندە اسكەري ينفراقۇرىلىمنىڭ جاعدايى ەگجەي- تەگجەيلى قارالعانىن جەتكىزدى. قورعانىس ءمينيسترى ساربازدار كازارمالارى مەن اسحانالارىنىڭ جاعدايىن ءتيىستى نورمالارعا ساي كەلتىرۋىن تالاپ ەتتى.

«ۆەدومستۆو باسشىسى قارۋلى كۇشتەردەگى تاربيە جانە يدەولوگيا جۇمىستارىن تۇبەگەيلى قايتا قۇرۋ تۋرالى، سونداي- اق جاۋىنگەرلىك دايارلىق باعىتىندا وقۋ- جاتتىعۋ ورىندارى مەن پوليگوندارىن قالپىنا كەلتىرۋگە قاتىستى ناقتى تاپسىرما بەردى. مۇنىمەن قوسا، روتا ستارشيناسى قىزمەتىن قايتا ەنگىزۋ تاپسىرماسى جۇكتەلدى. مينيستر جوعارى اسكەري وقۋ ورىندارىندا وقۋ باعدارلامالارىن قايتا قاراستىرۋدى ۇسىندى»، - دەدى الپامىس وتەپوۆ.

قورعانىس ۆەدومستۆوسىنىڭ القا وتىرىسىندا ەل پرەزيدەنتى - قارۋلى كۇشتەردىڭ جوعارعى باس قولباسشىسى قاسىم- جومارت توقايەۆ بەرگەن تاپسىرمالاردى ورىنداۋ اياسىندا ەسەپتىك كەزەڭدەگى قىزمەتتىڭ قورىتىندىسى شىعارىلدى.


回到顶部