今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

الماتىدا ميگراتسيالىق حالىققا قىزمەت كورسەتۋ ورتالىعىندا ۇزىن- سونار كەزەك پايدا بولدى

17 五月 2022 15:47

الماتى. قازاقپارات - قازاقستانعا ماۋسىمدىق جۇمىس ىستەۋ ءۇشىن شەتەلدىك ەڭبەك ميگرانتتارى كەلىپ جاتىر.

وسىعان بايلانىستى، ەلدەگى ميگراتسيالىق حالىققا قىزمەت كورسەتۋ ورتالىعىندا ۇزىن- سونار كەزەك پايدا بولدى. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسى ءمالىم ەتتى، دەپ حابارلايدى قازاقپارات ءتىلشىسى. الماتى ميگراتسيالىق حالىققا قىزمەت كورسەتۋ ورتالىعىنداعى ۇزىن- سونار كەزەكتىڭ ۆيدەوسى الەۋمەتتىك جەلىدە پايدا بولدى.

«ەڭبەك مينيسترلىگىنىڭ جاڭا باعدارلاماسىنا بايلانىستى ادامدار ەكىنشى كۇن قۇجات تاپسىرا الماي ءجۇر»، - دەلىنگەن جازبادا.

مەملەكەتتىك كورپوراتسيا باسپا ءسوز قىزمەتىنىڭ مالىمەتىنشە، بۇرىن شەتەلدىكتەردىڭ جۇمىس ىستەۋىنە قاجەتتى قۇجاتتاردى ىشكى ىستەر مينيسترلىگى راسىمدەسە، 2021 -جىلدىڭ 16-مامىرىنان باستاپ ەڭبەك جانە حالىقتى الەۋمەتتىك قورعاۋ مينيسترلىگى ۇسىنادى.

«وسىعان وراي، كەيبىر جاعدايدا كليەنتتەردىڭ ءتولقۇجات دەرەكتەرىن تۇزەتۋ قاجەت. ءبىز كوشى- قون حالىققا قىزمەت كورسەتۋ ورتالىقتارىندا قىزمەت كورسەتۋدى جەدەلدەتۋ ءۇشىن بار كۇش- جىگەرىمىزدى سالىپ جاتىرمىز. قۇجاتتاردى قابىلدايتىن قىزمەتكەرلەر سانى ۇلعايتىلدى. تۇتىنۋشىلاردان بۇل جاعدايعا تۇسىنىستىكپەن قاراۋدى سۇرايمىز»، - دەپ جاۋاپ بەردى «ازاماتتارعا ارنالعان ۇكىمەت» ا ق باسپا ءسوز قىزمەتى.

اۆتور: الما مۇقانوۆا

关键词: ايماق,
回到顶部