今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

تەكەلىدە لاي كوشكىنىنەن قازا تاپقان بالانىڭ دەنەسى جەر قوينىنا تاپسىرىلدى

17 五月 2022 12:10

تەكەلى. قازاقپارات - بۇگىن الماتى وبلىسىنداعى تەكەلىدە لاي كوشكىنىنەن قازا تاپقان بالانى جەر قوينىنا تاپسىردى، - دەپ حابارلايدى قازاقپارات ءتىلشىسى.

باتپاقتىڭ اراسىنان تابىلعان جانبوتا تىلەۋحاندى ارنايى ءيتتىڭ كومەگىمەن جەتى ساعاتتىق ىزدەۋدەن سوڭ تاپقان بولاتىن. اناسىنىڭ ايتۋىنشا، كەنجەسى ءانشى بولۋدى ارمانداعان.

«جانبوتام ەرەكشە اقىلدى، سونداي سۇيكىمدى ەدى. ءانشى، ءبيشى بولامىن دەيتىن»، - دەپ ەگىلىپ جىلاعان اناسى كىشكەنتايىن سوڭعى ساپارعا شىعارىپ سالدى. بالانىڭ جانازاسى تەكەلى قالاسىنداعى مەشىتتەن شىعارىلدى. وعان تەكەلى قالاسىنىڭ اكىمى باتىر مولداحمەتوۆ پەن جەرگىلىكتى اكىمدىك وكىلدەرى، بالانىڭ تۋىستارى جينالدى. جەرلەۋ ءراسىمىن تەكەلى قالالىق اكىمدىگى تولىقتاي ءوز موينىنا الدى. بەس جاستاعى جانبوتا بولعان ءۇيدى لاي كوشكىنى تولىعىمەن قوپارعان. ءۇيدىڭ ورنى دا قالماعان. اناسىنىڭ بۇعان دەيىن وقيعانىڭ قالاي بولعانىن ايتقانىن حابارلاعانبىز.

ەستەرىڭىزگە سالا كەتەيىك، تەكەلىدە لاي كوشكىنى 15-مامىر كۇنى كۇندىزگى ساعات 12:00 شاماسىندا باستالعان. تاۋدان اققان سەل بەس ءۇيدى باسىپ قالعان. ولاردىڭ بىرىندە بەس جاسار جانبوتا بولعان. قىزدىڭ دەنەسىن قۇتقارۋشىلار تەك جەتى ساعاتتان سوڭ، ارنايى دايىندالعان ءيتتىڭ كومەگىمەن ءۇيىندى استىنان الىپ شىققان. ءبۇلدىرشىن ءبىر اۋلەتتىڭ كەنجەسى ەدى. اناسى گۇلنار تىلەۋحاننىڭ ايتۋىنشا، قايعىلى جاعداي بولادى دەپ ەشكىم ويلاماعان. جانبوتا ءۇي ىشىندە الاڭسىز قۋىرشاق ويناپ وتىرعان. ال 12 جاستاعى اپكەسى تۋىستارىنىڭ ۇيىندە بولىپتى.

ءبىر-اق كۇندە بەس جاسار قىزىنان دا، باسپاناسىنان دا ايىرىلعان كەلىنشەك، قايعىدان ەسەڭگىرەپ وتىر.

ايتا كەتەيىك، الماتى وبلىسىنىڭ اكىمى تەكەلىدە لاي كوشكىنىنەن زارداپ شەككەندەرگە باسپانا بەرىلەتىنىن تۆيتتەر پاراقشاسىندا جازعانىن حابارلاعان بولاتىنبىز.

اۆتور: سامال قابىشەۆا، ءتىلشى

关键词: ايماق,
回到顶部