今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

بەيجىڭ وليمپياداسى قازاقستاندا تىكەلەي ەفيردەن كورسەتىلەدى

27 一月 2022 13:22

نۇر- سۇلتان. قازاقپارات - «قازاقستان» تەلەراديوكورپوراتسياسى» ا ق مەن «حابار» اگەنتتىگى» ا ق 2022 -جىلى قىتايدا وتەتىن XXIV قىسقى وليمپيادا ويىندارىنان ەل اۋماعىندا رەسمي حابار تاراتۋ قۇقىعىنا يە بولدى.

بۇل تۋرالى ق ر اقپارات جانە قوعامدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات. قازاقستاندىقتار 4-20- اقپان ارالىعىندا بەيجىڭدە وتەتىن قىسقى وليمپيادا ويىندارىن «Qazaqstan» «Qazsport» «حابار» جانە «El arna» تەلەارنالارىنان تىكەلەي ەفيردەن كورە الادى. وليمپيادا ويىندارىنىڭ ىرىكتەۋ جارىستارى 2- اقپاننان باستالادى.

وليمپياداعا قاتىساتىن قازاقستان قۇراماسىندا 34 سپورتشى بار، ولار 87 جولداما يەلەنگەن. قازاقستاندىق سپورتشىلار شاڭعى جارىسى، فريستايل اكروباتيكا جانە موگۋل، كونكيمەن جۇگىرۋ، شورت- ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى. «Qazaqstan» جانە «Qazsport» تەلەارنالارىندا ترانسلياتسيالارعا ەسەي جەڭىس ۇلى، رۋسلان باقىتجان، تيمۋر سۇلەيمەنوۆ، سەرگەي رايليان، ەرسىن ەرىك ۇلى، ءۋاليحان قوسانباي، سامات قاناعاتوۆ، الەكساندر ولەينيك، ديدار قادىروۆ، دانيلا مالىشيەۆ، جىگەر ازبەرگەن، اسەم نۇرلانوۆا، ليليانا ءالجانوۆا، ينديرا بەكتەنوۆا كوممەنتاتورلىق ەتەدى.

وليمپيادا ويىندارىنىڭ اشىلۋ جانە جابىلۋ سالتاناتتارى، سونداي- اق جارىستار بارىسى «Qazaqstan» تەلەارناسىندا تولىقتاي قازاق تىلىندە جۇرگىزىلەدى. كوممەنتاتورلارمەن بىرگە تىكەلەي ەفيرگە قىسقى سپورت تۇرلەرى بويىنشا جاتتىقتىرۋشىلار مەن سپورت ساراپشىلارى شاقىرىلادى.

ءاربىر جارىستىڭ الدىندا جانە جارىس كۇنىنەن كەيىن «بەيجىڭ-2022» اتاۋىمەن تىكەلەي ەفيردەگى ستۋديالىق باعدارلامالار ۇيىمداستىرىلادى. بۇدان بولەك، وليمپيادالىق جارىستاردى تەلەارنالاردىڭ www.qazaqstan.tv جانە www.qazsporttv.kz رەسمي سايتىنان، qazaqstan.tv موبيلدىك قوسىمشاسىنان كورۋگە بولادى.

XXIV قىسقى وليمپيادا ويىندارىنىڭ اشىلۋ سالتاناتى نۇر- سۇلتان ۋاقىتىمەن 4- اقپان كۇنى، ساعات 17:55-تە باستالادى.

关键词: سپورت,
回到顶部