今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

قارالى قاڭتار: قىزمەت بارىسىندا قازا تاپقانداردىڭ بالالارىنا گرانت بولىنەدى

17 一月 2022 17:03

نۇر- سۇلتان. قازاقپارات - ەلدەگى جاپپاي تارتىپسىزدىك كەزىندە قىزمەت بارىسىندا مەرت بولعان جانداردىڭ بالالارىنا مەملەكەت ءبىلىم گرانتىن بولەدى.

بۇل تۋرالى ق ر ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورى ادىلەت تويبايەۆ ءمالىم ەتتى، دەپ حابارلايدى قازاقپارات ءتىلشىسى.

«ارينە، جاپپاي ەرەۋىل كەزىندە زارداپ شەككەندەر مەن ولاردىڭ وتباسىنا ءتيىستى كومەك كورسەتىلەدى. قىزمەت بارىسىندا قازا تاپقان جانداردىڭ بالالارىنا ءبىلىم گرانتىن ءبولۋ تۋرالى شەشىم قابىلداندى. ولاردىڭ قاتارىندا ىشكى ىستەر مينيسترلىگى قىزمەتكەرلەرى، ءورت سوندىرۋشىلەر مەن اسكەريلەر بار. قازىر بۇل ماسەلە زاڭ تۇرعىسىنان قارالىپ جاتىر»، - دەدى ادىلەت تويبايەۆ و ك ق- دە ونلاين وتكەن باسپا ءسوز ءماسليحاتىندا.

بۇعان دەيىن دەپارتامەنت باسشىسى كوللەدج جانە ج و و باسشىلىعى ستۋدەنتتەرگە بەيبىت شەرۋ، ەرەۋىلدەرگە قاتىسۋعا تىيىم سالۋى مۇمكىن بە دەگەن ساۋالعا قاتىستى پىكىر ءبىلدىردى.

«شىندىعىن ايتقاندا، ستۋدەنتتەرگە تىيىم سالۋ تۋرالى بىزدە ەشقانداي اقپارات جوق. جوعارى وقۋ ورىندارى ونداي جۇمىستى وتكىزگەن ەمەس. ۋنيۆەرسيتەت باسشىلىعى تاراپىنان ستۋدەنتتەرگە قىسىم كورسەتۋ تۋرالى فاكتى بولعان ەمەس. تاعى قايتالاپ ايتقىم كەلەدى، ەلدە بولعان جاپپاي تارتىپسىزدىكتەر كەزىندە ستۋدەنتتەر كانيكۋلدا بولدى. جاتاقحانالارعا از عانا ستۋدەنتتەر قالدى. ونىڭ ءوزى شەتەل ستۋدەنتتەرى. ەگەر ناقتى جاعداي ورىن العان بولسا، ءبىز ونى تەكسەرەتىن بولامىز»، - دەپ جاۋاپ بەردى مينيسترلىك وكىلى.

回到顶部