今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

پارلامەنت دەپۋتاتتارى ءبىر كۇندىك جالاقىسىن «قازاقستان حالقىنا» قورىنا اۋداردى

17 一月 2022 11:07

نۇر- سۇلتان. قازاقپارات - سەنات پەن ءماجىلىس دەپۋتاتتارى مەملەكەت باسشىسى قاسىم- جومارت توقايەۆتىڭ «قازاقستان حالقىنا» قوعامدىق الەۋمەتتىك قورىن قۇرۋ تۋرالى باستاماسىن قولداپ، ءبىر كۇندىك جالاقىلارىن وسى قورعا اۋداردى، دەپ حابارلايدى قازاقپارات.

بۇل جايىندا قوس پالاتا باسپا ءسوز قىزمەتى مالىمەت تاراتتى.

«قازاقستان حالقىنا» قوعامدىق الەۋمەتتىك قورىن قۇرۋدى ەل پرەزيدەنتى قاسىم- جومارت توقايەۆ بيىلعى جىلدىڭ 11-قاڭتارىندا ءماجىلىس وتىرىسىندا سويلەگەن سوزىندە تاپسىرعان بولاتىن. قور دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ سالالارىنداعى ناقتى پروبلەمالارمەن اينالىسادى. مەملەكەت باسشىسى اتاپ وتكەندەي، قوردا جينالعان قاراجات سيرەك كەزدەسەتىن اۋرۋعا شالدىققان بالالارعا كومەك كورسەتۋگە، قالا، اۋدان، كەنت، اۋىلداردا بالالارعا ارنالعان سپورت نىساندارىن سالۋعا، دارىندى بالالارعا قولداۋ كورسەتۋگە جانە باسقا دا الەۋمەتتىك ماقساتتارعا باعىتتالادى.

回到顶部