今日天气
Нур-Султан +7 °С
阿拉木图 +14 °С
今日坚戈汇率
USD 449.85
EUR 485.43
RUB 5.71
CNY 70.69

ايجان ەسماعامبەتوۆا قىسقا مەرزىمدە بىرنەشە ءوڭىردىڭ قالاي «قىزىل» ايماققا وتكەنىن ءتۇسىندىردى

15 一月 2022 10:14

نۇر-سۇلتان. قازاقپارات - ق ر سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا قازاقستاننىڭ وڭىرلەرى كوروناۆيرۋس بويىنشا «قىزىل» ايماققا نەلىكتەن كوشىپ جاتقانىن ءتۇسىندىردى، دەپ حابارلايدى قازاقپارات ءتىلشىسى.

«شىنىندا دا، كوروناۆيرۋس ينفەكتسياسىمەن سىرقاتتانۋشىلىق بويىنشا ەپيدەميولوگيالىق جاعداي كۇرت ناشارلادى. سوڭعى تاۋلىكتە 10418 جاعداي تىركەلگەن. مۇنداي كۇندەلىكتى اۋرۋ بىزدە كوروناۆيرۋس ينفەكتسياسىنىڭ كەز-كەلگەن تولقىنىندا تىركەلمەگەن بولاتىن. سونىمەن قاتار، تىركەلگەن جاعدايلاردىڭ %76 ءتورت وڭىرگە تيەسىلى: نۇر-سۇلتان، الماتى، قاراعاندى، اتىراۋ وبلىسى»، - دەدى ايجان ەسماعامبەتوۆا.

ول ايماقتاردىڭ «جاسىل»، «سارى» ايماقتاردان «قىزىل» ايماققا تەز اۋىساتىنىن راستادى.

ايجان ەسماعامبەتوۆانىڭ ايتۋىنشا، بۇگىندە ەلىمىزدىڭ 11 ءوڭىرى «قىزىل» ايماققا كىرىپ وتىر.

«مۇنىڭ ءبارى، ارينە، وميكرون شتامىنىڭ كۇرت تارالۋىنا بايلانىستى. تاعى دا قايتالاپ ايتام، «وميكرون» وتە جۇقپالى. ينفەكسيانىڭ جۇعۋ كوەففيتسيەنتى - 1:5. ياعني، ءبىر ادام بەس ادامعا جۇقتىرا الادى. بۇل جاعدايدا جاعدايلاردىڭ سانى ەكى كۇن سايىن ەكى ەسە ارتادى. قازىر ەلىمىزدە سونداي احۋال بولىپ جاتىر. تىنىس جولدارىندا «وميكرون» «دەلتاعا» قاراعاندا الدەقايدا جۇقپالى. «وميكرون» شتامىنىڭ ۆيرۋسى «دەلتاعا» قاراعاندا 70 ەسە تەز كوبەيەدى. وسى سيپاتتامالاردىڭ بارلىعى ونىڭ جۇقپالى جانە تارالۋ جىلدامدىعى جوعارى ەكەنىن كورسەتەدى»، - دەدى كوميتەت باسشىسى.

ايجان ەسماعامبەتوۆا قازاقستاندىقتاردى ەپيدەميولوگيالىق جاعدايدىڭ ناشارلاۋىنا بايلانىستى ۆاكسينا الۋعا شاقىردى.

«بۇگىنگى تاڭدا ەڭ ماڭىزدى الدىن الۋ شارالارىنىڭ ءبىرى ۆاكسينا الماعاندار بولسا، ەكپە سالدىرۋعا شاقىرامىز. ال ۆاكسينا الىپ ۇلگەرگەندەر التى اي وتكەن بولسا، ءۇشىنشى دوزاسىن الۋعا شاقىرامىز. اۋرۋدى ازايتۋعا، ينفەكسيانىڭ تارالۋىن ازايتۋعا جانە ەڭ باستىسى دەنساۋلىق پەن ءومىردى ساقتاۋعا تەك ۆاكسيناتسيا عانا مۇمكىندىك بەرەدى»، - دەدى ول.

关键词: قوعام,
回到顶部