今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

ساۋىتبەك ابدراحمانوۆ ە ۇ ۋ قۇرمەتتى پروفەسسورى اتاندى

30 十一月 2021 16:28

نۇر- سۇلتان. قازاقپارات - ءماجىلىس دەپۋتاتى، كورنەكتى قالامگەر ساۋىتبەك ابدراحمانوۆقا ەۋرازيا ۇلتتىق ۋنيۆەرسيتەتىنىڭ قۇرمەتتى پروفەسسورى اتاعى بەرىلدى، دەپ حابارلايدى قازاقپارات ءتىلشىسى.

بۇل جايىندا ق ر پارلامەنتى ءماجىلىسىنىڭ دەپۋتاتى، كورنەكتى قالامگەر ساۋىتبەك ادراحمانوۆتىڭ 70 جىلدىعىنا ارنالعان «مادەنيەت، ءبىلىم، عىلىم ىقپالداستىعى جانە قازىرگى زامانعى مەدياكوممۋنيكاتسيا» اتتى حالىقارالىق عىلىمي- تاجىريبەلىك كونفەرەنسيا بارىسىندا بەلگىلى بولدى.

«ساۋىتبەك ابدراحمان ۇلىنىڭ اسىرەسە عىلىم- ءبىلىم، تاربيە سالاسىنداعى قاجىرلى ەڭبەگىنىڭ زور ەكەندىگى بارىمىزگە ءمالىم. سونىمەن قاتار ول - ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ جاناشىرى عانا ەمەس، بەلدى دە بەدەلدى پروفەسسورى. وسى ءساتتى پايدالانا وتىرىپ، تاياۋ ارادا عانا وتكەن ۋنيۆەرسيتەتتىڭ عىلىمي كەڭەسىنىڭ ءبىراۋىزدان قابىلداعان شەشىمىنە وراي ساۋىتبەك ابدراحمانوۆقا «ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ قۇرمەتتى پروفەسسورى» اتاعى بەرىلگەنىن حابارلايمىز»، - دەدى ءىس- شارا بارىسىندا ە ۇ ۋ رەكتورى ەرلان سىدىقوۆ.

اۆتور: مارلان جيەمباي

关键词: قوعام,
回到顶部