今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

پرەزيدەنت ەلىمىزدەگى ينتەرنەت پەن بايلانىس ساپاسىنا كوڭىلى تولمايتىنىن ايتتى

27 十月 2021 22:12

نۇر-سۇلتان. قازاقپارات - ءداستۇرلى «Digital Bridge « حالىقارالىق تەحنولوگيالىق فورۋمىندا مەملەكەت باسشىسى قاسىم-جومارت توقايەۆ ەلىمىزدەگى ينتەرنەت پەن بايلانىس ساپاسىنا كوڭىلى تولمايتىنىن ايتتى، دەپ حابارلايدى قازاقپارات.

«قازىرگى كەزدە ناقتى ەمەس نارسەنى ساتۋ قالىپتى جاعدايعا اينالدى. ولار ينتەرنەت پارامەترلەرىنىڭ ءبىرىن جارنامالايدى دا، شىن مانىندە مۇلدە باسقاسىن ۇسىنادى. جاقسارىپ جاتقان ەشتەڭە جوق. ماعان بەرىلگەن مالىمەت بويىنشا، ءتىپتى ەلوردانىڭ وزىندە، ءسوز بەن ءىستىڭ الشاقتىعى 40-50 پايىزعا دەيىن جەتەدى. بۇل، شىن مانىندە، تۇتىنۋشىلاردى الداۋ دەگەن ءسوز. مۇنداي ورەسكەلدىكتى دوعارۋ كەرەك. ۇكىمەتكە اكىمشىلىك قۇرامدى زاڭدىق نەگىزدە بەكىتۋدى جانە بۇنداي زاڭ بۇزۋشىلىقتار ءۇشىن سانكسيالار بەلگىلەۋدى تاپسىرامىن. ءبىز ۇنەمى قازاقستاننىڭ اۋماعى ءجۇز پايىزعا جۋىق ينتەرنەتپەن قامتىلدى دەپ ايتىپ ءجۇرمىز. كانەكي ماسەلەنىڭ باسىن اشىپ الايىق، وسى ءىس جۇزىندە راستالعان اقپارات پا الدە جوق پا؟ نەمەسە ويىمىزداعىنى شىندىق دەپ سانايمىز با؟» - دەدى پرەزيدەنت.

ەسكە سالساق، مەملەكەت باسشىسى قاسىم-جومارت توقايەۆ «Digital Era Lifestyle « تاقىرىبىندا وتكەن ءداستۇرلى «Digital Bridge « حالىقارالىق تەحنولوگيالىق فورۋمىنا قاتىستى.

回到顶部