今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قىتايدان ەۋروپاعا جۇك قالاي جەتكىزىلەدى؟

21 十月 2021 08:53

نۇر-سۇلتان.قازاقپارات - ليان- يۋن- گان قالاسىنداعى قازاقستان مەن قىتايدىڭ بىرلەسكەن لوگيستيكالىق تەرمينالى ارقىلى 7 جىلدا 1,5 ميلليون كونتەينەر ءوتتى.

سارى تەڭىزدىڭ جاعالاۋىندا ورنالاسقان بۇل ايلاق شىعىس ازيادان قىتاي مەن قازاقستان ارقىلى جانە كەرى باعىتتا تاۋار تاسىمالدايتىن باستى حاب بولىپ سانالادى. الەمدەگى ەڭ ءىرى لوگيستكالىق بازالاردىڭ ءبىرى قالاي جۇمىس ىستەيدى؟ قىتايدان قازاقستاندىق تەمىرجولمەن ەۋروپاعا جۇكتى قانشا ۋاقىتتا جەتكىزۋگە مۇمكىندىك بار؟

بۇل - سارى تەڭىز. ءدال وسى سۋ ايدىنىنىڭ جاعاسىندا ورنالاسقان ليانيۋنگان پورتى ارقىلى بۇگىندە ميلليونداعان توننا جۇك جاپونيا مەن وڭتۇستىك كورەيا ەلدەرىنە جىبەرىلەدى. ال قۇرلىق ارقىلى قازاقستانعا، جالپى، ورتالىق ازياعا ودان ءارى ەۋروپاعا جول تارتادى. ليانيۋنگان بۇگىندە قىتايداعى ەڭ ءىرى ون پورتتىڭ قاتارىنا كىرەدى. «ءبىر بەلدەۋ - ءبىر جول» باستاماسى قولعا الىنعاننان كەيىن بۇل جوبا وسى پورت ارقىلى جۇزەگە اسىرىلا باستادى. وسىلايشا قازاقستاننىڭ تەڭىزگە شىعار جولى پايدا بولدى. 7 جىلدا لوگيستيكالىق بازا ارقىلى ءبىر جارىم ميلليونعا جۋىق كونتەينەر ءوتتى. مۇنداعى جۇمىستىڭ باستى بولىگى اۆتوماتتاندىرىلعان. تەك ەكى جۇك تيەۋشىنى وپەراتورلار باسقارادى. قالعان جۇمىستىڭ ءبارى مونيتور الدىندا ىستەلەدى.

بىرلەسكەن كاسىپورىن تەڭىز بەن قۇرلىق ارقىلى حالىقارالىق جۇك تاسىمالىمەن اينالىسادى. مۇندا ەكسپورتتىق تاۋارلار جەدەل كەدەندىك راسىمدەۋدەن وتە الادى.

جۋ سيانيان، «ليانيۋنگان ايلاعى كومپانيالار توبىنىڭ» پرەزيدەنتى:

- تەڭىز باعدارلارىمىز كوپ. ولاردىڭ جيىلىگىن ارتتىرۋدى كوزدەپ وتىرمىز، وسىعان بايلانىستى باسەكە دە وسەدى. التىنكول ستانتسياسىندا قۇرعاق ايلاعىمىز دا بار. سوندىقتان قازاقستاندىق كاسىپكەرلەردىڭ ءبىر ارتىقشىلىعى بار. ولار قازاقستاندىق قىزمەتكەرلەر ىستەيتىن ليانيۋنگانداعى تەرمينالمەن قۇرعاق ايلاق ارقىلى نەمەسە تىكەلەي بايلانىسا الادى. قازاقستاندىق كاسىپكەرلەرگە ءتيىمدى لوگيستكالىق شەشىمدەر ازىرلەۋگە قولداۋ كورسەتۋگە دايىنبىز.

بيزنەسكە قولايلى جاعداي جاساۋ مەن ترانزيت مۇمكىندىكتەرىن ارتتىرۋ ماقساتىندا شەكارانىڭ قازاقستاندىق جاعىندا قۇرعاق ايلاق سالىندى. الايدا وتاندىق ەكسپورتەرلەر ءوز ءونىمىن قىتايعا شىعارۋدا ۇنەمى بوگەتتەر مەن شەكتەۋلەرگە تاپ بولادى. اسىرەسە تەمىرجولمەن جۇك جەتكىزۋ قيىن.

جۋ سيانيان، «ليانيۋنگان ايلاعى كومپانيالار توبىنىڭ» پرەزيدەنتى:

- تەڭىز تاسىمالىنىڭ قۇنى 4 ەسە وسكەندىكتەن، قىتاي - ەۋروپا باعدارىنا اۋىرتپالىق ءتۇسىپ وتىر. اسىرەسە قىتايدى قازاقستان مەن ەۋروپامەن بايلانىستىراتىن باعدارمەن تاسىمالداۋ قيىنداپ كەتتى. قازاقستان جاعىنان كولىكتىڭ كەپتەلۋى حورگوس پەن الاشانكوۋ وتكەلدەرى ورنالاسقان وڭىردە كوروناۆيرۋستىڭ ءورشۋى سەبەپ بولودى دەپ ويلايمىن.

قىتاي ۇكىمەتى ىندەتكە قارسى قاتاڭ شارالار قابىلدايتىنى بەلگىلى. ارينە بۇل جۇمىس تيىمدىلىگىنە اسەر ەتەدى. ەپيداحۋال تۇزەلگەندە شەكاراداعى جاعداي دا جاقسارۋى ءتيىس. بۇل جونىندە ناقتى مالىمەتىم جوق، ءبىراق ونداي ماسەلە بولسا، قۇرعاق ايلاق پەن مەملەكەتتىك ورگاندارعا جۇگىنىپ، ونى بىرلەسىپ شەشۋگە دايىنبىز.

تەمىرجولمەن تاسىمالداناتىن جۇك تىم كوپ بولعاندىقتان شىعىس ازيادان ورتالىق ازياعا جونەلتىلگەن تاۋارلار تەرمينالدان شىعا الماي وتىر.

ايتا كەتۋ كەرەك، ليانيۋنگان - قازاقستاندىق بيدايدى شىعىس جانە وڭتۇستىك- شىعىس ازياعا ەكسپورتتاۋعا رۇقساتى بار قىتايداعى جالعىز ايلاق. قازىرگى تۇستا لوگيستكالىق بازا ارقىلى ۆەتنام مەن مالايزياعا 60 مىڭ توننا استىق جەتكىزىلدى دەگەن مالىمەت بار. الايدا پاندەميا سالدارىنان بۇل جۇمىس توقتاپ قالدى.

سزو سيۋەمەي، «ليانيۋنگان قالاسى قىتاي- قازاقستان حالىقارالىق لوگيستيكالىق كومپانياسىنىڭ» باس ديرەكتورى:

- قازىر قازاقستاندىق بيدايدى قايتا ەكسپورتتاۋعا بولادى. الايدا وڭتۇستىك- شىعىس ازيا ەلدەرى ونى قابىلداي الا ما؟ كومپانيامىز بۇل ساۋالدى زەرتتەۋى كەرەك. ويتكەنى پاندەمياعا بايلانىستى شەكارانى ءوتۋ قيىنداپ كەتتى.

قازاقستان اۋماعى ارقىلى تەمىرجولمەن ليانيۋنگاننان ەۋروپعا تاۋاردى نە بارى 18 كۇندە جەتكىزۋگە بولادى. قازىر كومپانيا كاسپيي تەڭىزى ارقىلى جۇك تاسىمالداۋدى يگەرە باستادى. بۇل باعدارمەن جۇك ەكى اپتادان ءسال اساتىن ۋاقىتتا جەتەدى.

اۆتورى: بوتاگوز سىرعابايەۆ


www.24.kz


关键词: الةم,
回到顶部