今日天气
阿斯塔纳 +7 °С
阿拉木图 +14 °С
今日坚戈汇率
USD 421.58
EUR 496.83
RUB 5.53
CNY 62.20

قازاقستاندىقتار قايتا ۆاكسينالاۋدان قالاي وتكىزىلەدى؟

15 十月 2021 20:49

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ەلىمىزدە ريەۆاكسيناتسيا قالاي ۇيىمداستىرىلاتىنىن ءتۇسىندىردى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترلىگى قازاقستان رەسپۋبليكاسىنىڭ حالقىن يممۋنداۋ جونىندەگى كونسۋلتاتسيالىق كوميسسيامەن بىرگە حالىقتى قايتا ۆاكسينالاۋدىڭ تاسىلدەرىن پىسىقتادى. حالىقارالىق تاجىريبەنى ەسكەرە وتىرىپ، كوروناۆيرۋس ينفەكتسياسىنا قارسى ۆاكسينالاۋ شاراسىنىڭ تولىق كۋرسىن وتكەننەن سوڭ، 6-9 ايدان كەيىن قوسىمشا دوزاسىن ەگۋ ۇسىنىلادى. ونىڭ وزىندە ۆەكتورلى (سپۋتنيك V - رەد.) ۆاكسينا العان تۇلعالارعا 9 ايدان كەيىن يناكتيۆتى ۆاكسينا ەگۋ، يناكتيۆتى (Sinopharm، CoronaVac، Hayat-Vax، QazCovid-in - رەد.) ۆاكسينا العان تۇلعالارعا 6 ايدان كەيىن ۆەكتورلى ەكپە سالۋ كوزدەلىپ وتىر.

«مرنك- ۆاكسينا» (Pfizer - رەد.) العان تۇلعالارعا 6 ايدان كەيىن يناكتيۆتى نەمەسە ۆەكتورلى ەكپە سالىنادى. سونداي-اق، ءبىرىزدى ەكپە ءتۇرىن سالۋ ارقىلى قايتا ۆاكسينالانۋعا جول بەرىلەدى»، - دەدى الەكسەي سوي ورتالىق كوممۋنيكاتسيالار قىزمەتىندە وتكەن بريفينگىدە.

回到顶部